आवंलि थुपिं थाय् निषेधित
येँ (सन्ध्या टाइम्स)/स्थानीय प्रशासनं येँया थीथी महत्वपूर्ण लागायात निषेधित लागा धकाः घोषणा याःगु दु। जिल्ला प्रशासन कार्यालय येँया सुरक्षाया संवेदनशीलतायात ध्यानय् तयाः थनिंनिसें लागू जुइकथं थीथी लागायात निषेधित लागा घोषणा याःगु खः।
थुकी राष्ट्रपतिया ज्याकू कम्पाउडया प्रवेशद्वारं उत्तर दक्षिणय् ५० मिटरतक, उपराष्ट्रपतिया ज्याकू न्ह्यःने कम्पाउड लागा, प्रधानमन्त्री निवास लागा बालुवाटारयात निषेधित लागा घोषणा याःगु खः ।
अथे हे भद्रकालीया रिपुमर्दन पेट्रोल पम्प न्ह्यःने, माइतीघर मण्डलांनिसें सिंहदरबार दक्षिण गेटं हनुमानथानतक, संविधानसभा भवनया पश्चिम गेटंनिसें न्हू बानेश्वर चोकतक, माइतीघर मण्डलां पद्मोदय स्कूलया मोडतक निषेधित लागा घोषणा याःगु प्रमुख जिल्ला अधिकारी रत्नराज पाण्डें म्हिगः जारी याःगु सुचनय् उल्लेख याःगु दु ।
