विश्वविद्यालयया निंतिं थनिंनिसें आन्दोलन

येँ(सन्ध्या टाइम्स)/राजनीतिक दलतय्सं बेवास्ता याःगुलिं नेपालगञ्जय् विश्वविद्यालय दयेके मफुगु द्वपं बिसें प्रस्तावित नेपालगञ्ज विश्वविद्यालय पलिस्था यायेत थनिंनिसें चरणबद्ध आन्दोलन याइगु जूगु दु। संघर्ष समितिं थौं जिल्ला प्रशासन कार्यालयय् ज्ञापन पत्र बियाः आन्दोलन न्ह्याकेत्यंगु दु। आन्दोलनया ज्याझ्वः कथं ११ गते जनमत ब्वलंकेगु नितिं प्रचार प्रसार, १२ गते बृहत र्‍याली, १७ गते निसें अनिश्चितकालीन भन्सार बन्द यायेगु खँ संघर्ष समितिया संयोजक अच्युत प्रसाद प्रसाईं कनादीगु दु।