न्यायाधिश जुइत ध्यवा नकेत वंगु न्यायपालिका न्ह्यस:
नेपा:या न्याय धइगु गुज्व:गु ख: धइगु खँ खँय् भाय्या छगू धापुतिं क्यनाच्वंगु दु – "छिगु तँय्गा ला सां नये धुंकल ।" अर्थात् छम्ह मनुखं मुद्दा त्याकाबीत तँय्गा धुस नकल, मेम्हस्यां सा बियाबिल । तँय्गा ब्यूम्ह मुद्दां बुत, अले वं न्यायाधीशं थ:गु तँय्गा जकं ल्व:मंकलला धका: धाल – हजुर, जिगु तँय्गा गन वन ? न्यायाधीशं धाल – छिगु तँय्गा ला सां नये धुंकल ।
झीगु भाषाय् थुज्व:गु खँपु मदु । अझ न्यायालय दुने थथे नं जुइय: व थुज्व:गु नं परम्परा दु धइगु खँ झीगु कल्पना दुने तकया खँ मखु । थुज्व:गु खँपु ला नेवा:तसें न्यन धा:सा गुलिखे सिनं थुइके नं थाकु । वास्तवय् झीगु समाजय् थुकथंया नं ज्या जुइय: धका: कल्पना तकं मदु । तर नेपा: दुनेया हे गुलिखे समुदाय दुने थुज्व:गु दुगु जुयाच्वन । अले थुगु हे समुदायया मनूत न्याय क्षेत्रय् वनेगु अले राजनीतिक वातावरण नं उकथंं थ:पिसं ज्वनाव:गु संस्कार लागू यायेत छिंगु कथंया जुसेंलि थुकथं हे जुइगु ला जु हे जुल । न्याय क्षेत्रय् जक मखु, मेमेगु क्षेत्रय् नं थौंकन्हय् जागिर नयेत, सरुवा जुइत मन्त्रीयात घूस नकेमा:, अले वं पदय् च्वना: कमय् याइगु ख: ।
थ्व खँ न्याय क्षेत्रय् नं स्पष्ट खनेदुगु खँया रहस्योद्घाटन कानुनमन्त्री बृजेशकुमार गुप्तां पिथंगु दु । आ: घूस नका: न्यायाधीश जूपिसं घुस नके मफुपिं गांयापिं कमजोर मनूतसें अपराध यात धा:सा हद तकया सजाँय बिया: अपराधीतय्त मत्व:ता धका: धक्कु त्व:तीगु जुल धा:सा मेखे संगठित अपराध याइपिंके ध्यबा नया: सफाइ बीगु जुल । थुकथं जुया: संगठित अपराध याइपिं राजनीतिक प्रश्रय दुपिं अपराधीतसें अपराध याइगु, दण्डहीनता अप्वइगु जुल धा:सा चापा: अपराधीतसें नं ध्यबा व राजनीतिक प्रश्रयया नितिं कुत: याइगु स्वाभाविक खनेदु ।
More Stories Like this
पहिचानसहितया संघियताय् नेतातय्गु ग्याचिकु दरवार हत्याकाण्डय् ‘रअ’ मखु ‘सिआईए’ नाय: हँ कोइराला सरकार न ख्येँय् चाल न हँय्या चाल निर्वाचनया निष्पक्षताय् ब्वलंगु न्ह्यस: अधिवेशनं ब्यूगु सन्देश
