इराकय् अमेरिकी मिसन क्वचाल
इराकय् च्वनाच्वंगु अमेरिकी सेनाया अन्तिम दफां इराक त्व:ता: कुवेत वंगु दु । थुकथं आर्इतवार अमेरिकी सेनां इराक त्व:ता गुदँ पुलांगु सैन्य अभियान सिध:गु संकेत व्यूगु दु । सन् २००३ स इराकय् सैन्य अभियान न्ह्याकूगु ख: । इराकय् राष्ट्रपति सद्धाम हुसेनया शासन न्ह्यानाच्वंगु इलय् अमेरिकां इराकय् ग्यानापुगु जैविक हतियार सुचुकात:गु åपंबिसे नेटो सेना सहित आक्रमण या:गु ख: । आक्रमण लिपा इराक पूर्णरुपं नियन्त्रणय् काये धंुका: नं अमेरिका अन छु नं कथंया विध्वसकारी जैविक हतियार धा:सा लुइके मफुगु ख: । थुकथं अमेरिका इराकया सत्ता परिवर्तन व सåाम हुसेनया पतन अले अनया स्थिति थ:गु अनुकुलय् हयेगु पला: सुथां लाकूगु दु ।
कुवेतयात कब्जाय् कया: सद्धाम हुसेनं त:धंगु गल्ती या:गु ख: । थुकिया फल स्वरुप अन्तय् सद्धाम हुसेन फाँसीया सजाँयया भागीदार जुइमाल । खय्तला सद्धाम हुसेनयात अरब जगतय् हिरो यायेत न्हापा अमेरिकां हे भुमिका म्हितूगु ख: । लिपा अरब जगतय् सद्धाम हुसेनया प्रभाव उप्वया वंगु अले सद्धामया आैचित्य अमेरिकाया हितया नितिं नं खतरा जुइफुगु संकेत खने दया वयेवं वैत सत्तां पिनेतयेगु नापं गुकथं ज्यू उकथं सद्धामया नामो निशान हुया छ्वयेगु तयारी जूगु ख: । थुगु हे योजनाकथं अमेरिकां हुसेनयात कुवेत हमला याना: कजे कायेत अमेरिकी राजदूत माफत सुझाव व्यूगु खँ यक्व भारतीय पत्रिकां च्व:गु ख: । थुगु हे ग्रायाण्ड डिजायनय् फसे जुया हुसेनं कुवेतयात कजय् कया: इराकया छगू प्रदेश घोषणा या:गु ख: । थ्व खँय् इराक व अमेरिकी सम्बद्ध नेटो देय्या दथुइ महायुद्ध हे जूगु ख: ।
अमेरिकां थुगु युद्धय् थ:पिसं दयेकुगु न्हून्हूगु प्रविधिया विमानत छ्यला: छगू कथंया प्रयोग या:गु नं धाइ । थुकथं इराक कुवेत त्व:तेत बाध्य याकल धा:सा वैत आर्थिक नाकावन्दी नं तयाबिल । उलि जक मखु अन दुने आमविनाशकारी हतियार दु धका: निरिक्षण नं याके बिल । थीथी प्रतिवेदन अज्या:गु हतियार मदु धका: क्यंसां अमेरिका आखिर सन् २००३ स इराकय् हमला याना: हे त्व:तल । थ्व हमला अमेरिकी स्वार्थया हमला ख: । अले सद्दाम हुसेनयात खतम यायेगु योजनाकथंया हमला ख: धका: विश्लेषकतय्सं धा:गु ख: । थुकिया हे झ्वलय् इराकी राष्ट्रपति सद्दाम हुसेनयात ज्वना: मृत्युदण्ड बीगु नं ज्या जुल धा:सा छगू कथं अमेरिकी योजना सफल नं जुल ।
मेखे विद्रोही सिया मुस्मातय्सं अमेरिकी हमलाया विरोधय् थीथी थासय् बम हमला नं यात । थ्व झ्वलय् इराक तसकं हे अशान्त जुल । ४५०० म्ह अमेरिकी सेना सित धा:सा ३२ å:म्ह घा:पा: जुल । थुलि जक मखु यक्व धनजनया नोक्सानी नं जुल । मध्यपूर्व अमेरिकाया च्यूता धैगु अनुदुगु चिकंया भण्डार ख: । थुकियात हे ध्यानय् तया: अन थ: सेनाया उपस्थिति दयेका तंु तयेया: नितिं व इराकयात कुवेत कजय् कायेके व्यूगु ख:सा कुवेत स्वतन्त्र यायेगु नामय् अमेरिकी नौसेनाया अखडा कुवेतय् तये ह:गु ख: । थुकथं अमेरिकां दयेकूगु योजना सही थासय् थ्यंगु खनेदु ।
उखे अमेरिकी राष्ट्रपति बाराक ओबामा इराक युद्ध 'क्वचा:गु' खँयात कया: उपलव्धियात तसकं च्वछा:गु ख: । ओबामा थ:त युद्ध विरोधी धायेकेय:म्ह व्यक्तित्व ख: । युद्ध क्वचा:गु लसताय् अमेरिकाया नर्थ क्यारोलिनया फोर्थब्राय्गय् जूगु ज्याझ्वलय् भाषणबिसें वय्कल मदुपिं सैनिकयात श्रद्धाञ्जली प्वंकूगु ख: । अले अन हे इराकय् दुगु अमेरिकी सेनाया अन्तिम टुकडीयात नं लित स:तेगु धा:गु ख: ।
थुकथं अमेरिकाया मिसन डेजर्ट पूवंगु दु धा:सा इराकया त:धंगु समस्या अनया राजनीतिक अस्थिरता खनेदया व:गु दु ।
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
