बि्रटनीया इंगेज्मेन्ट

न्ह्‍याबलें चर्चाय् वयाच्वनीम्ह विश्व प्रसिद्ध पपस्टार वि्रटनी स्पेयर्स हाकन छक्व: चर्चाय् व:गु दु । थ्व चर्चाया हुनिं चाहिं वया: च्व:प्व: मदुगु गतिविधि चाहिं मखु । आकाझाकां जूगु वि्रटनी व जेसन ट्रविकया इन्गेजमेन्टया कारण बय्‍बय् जूगु ख: । छगू इलय् म्याडोनायात पपम्येया रानीकथं म्हसिका बीगु चलन दुगु ख: धा:सा वि्रटनीयात पप म्येया राजकुमारी धाइगु ख: । थ:गु क्यारियर या हाइट तसकं थाहा वनाच्वंबलय् वि्रटनीया बानी व्यहोराया कारण व थीथी विवादास्पद घट्‍नाय् लाना: चर्चाय् वयेगु शुरु जूगु ख: गुगु आतकं न्ह्‍याना वयाच्वंगु हे दु ।

अमेरिकी पत्रिका युएस विक्ली वि्रटनी स्पेयर्स व जेशन ट्रविकका इन्गेजमेन्ट जुगु खँ पितह:गु ख: । वि्रटनीया पतिनय् दुगु ३ गू क्यारेटया महत्वपूर्ण पत्थरया अंगु इमिगु इन्गेजमेन्टया प्रमाण जूगु नं धा:गु दु । बि्रटनी थ्व अंगू गर्व साथ ब्वयेगु याना हयेगु शुरु या:गु दु । 'इपिं थुकिया नितिं हे पियाच्वंगु ख: । इपि निम्ह तसक लय्‍ता: । आ: इमित कला: भा:त जुइगु पाखें सुनां पने फइमखुत' बि्रट्‍नीया छम्ह सतीम्ह मनुखं धा:गु दु ।

More Stories Like this