‘छ हे मदुसा’ क्यनीगु
बिजेता फिल्मस प्रा.लि.या व्यानरय् निलेश शाक्यं निर्माण यानादीगु नेपालभाषा संकिपा 'छ हे मदुसा'या न्हापांगु च्यारिटी शो वइगु पुष २१ गते गुण हल ग्वार्कोय् जुइत्यंगु खँ – निर्माण पक्षँ धा:गु दु । नेपालभाषा संकिपा ख्यलय् छगू लहर हे वइच्वंगु इलय् थुगु संकिपाया निर्माण व प्रर्दशन जुइत्यंगु ख: । सूर्य श्रेष्ठया निदर्ेशनय् बने जूगु थुगु संकिपाया वाखं च्वमि विनोद बज्रचार्य ख: धा:सा पटकथा राजेन्द्र शाक्य च्वयादीगु ख: । संकिपा ख्यलय् थ:गु विस्क म्हसीका बीगु ज्याय् लगय् जुयाच्वंम्ह छायाकार लूज: सिंह थुगु संकिपाया छायांकन नाप सम्पादन नं यानादीगु दु ।
संकिपाया प्रोमो स्वयेबलय् थुगु संकिपाया छायांकन व सम्पादनय् प्रभावकारिता खनेदु । लुज:या छायांकन सम्पादन बांलार्इ धैगु भलसा कायेछिं । अथे हे थुगु संकिपाया संगीत तयेगु ज्या सुमन कपालीं यानादीगु दु धा:सा नृत्यनिदर्ेशन विनोद बज्राचार्यं यानादीगु दु । राजकुमार श्रेष्ठ व मीरा मालीया मू भुमिका दुगु थुगु संकिपाय् मोहिद्दिन खान छम्ह खलनायकया रुपय् खनेदयेक: वइगु जूगु दु । अथे हे थुकि पल्पसा डंगोल, अन्नपूण्र्ेश्वरी श्रेष्ठ, श्यामसुन्दर शिल्पकार, अण्र्ेश्वरी शिल्पकार, सुनिता ठाकुर, मनिषा थापा लगायत कलाकारपिसं नं थीथी भुमिका म्हितादीगु दु । परिपक्व मतिनाया वाखनय् थुगु संकिपा दयेकेज्या जूगु खँ निर्माण पक्ष धा:गु दु ।
News Location:
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
