लुमन्ति दबूया प्यक्व:गु न्हूधा:

नेपालभाषा केन्द्रीय विभागय् एम.ए. नेपालभाषा ब्वमिपिनिगु पुच: लुमन्ति दबूया प्यक्व:गु न्हूधा: वंगु बिहीवा: जूगु दु । सुनिता राजभण्डारीया नाय:सुइ जूगु न्हूधालय् तुलसी प्रजापति न्वकु जुयादीगु दु । थुकथं हे किशोर नेपाली छ्‍याञ्जे, माया ल्यूछ्‍याञ्जे, पतमकेशरी बज्राचार्य दांभरी, सानु बज्राचार्य ल्यूदांभरी ल्य:गु दु । दबूया दुजलय् जुजुमान महर्जन, मोहनकृष्ण श्रेष्ठ, गोविन्दहरि श्रेष्ठ, रमा कर्णजित ल्य:गु दु । थुकथं हे निवर्तमान नाय: प्रकाश शाक्य जुयादीगु दु ।

नेपालभाषा केन्द्रीय विभागया प्रमुख प्रा. प्रेमशान्ति तुलाधरया मूपाहाँसुइ जूगु ज्याझ्वलय् प्रा. तुलसी सिंह पाहाँकथं झायादीगु ख: । विमलकेशरी अमात्यं लसकुस यानादीगु ख:सा जुजुमान महर्जनं सुभाय् देछानादीगु ख: । ज्याझ्व: दबूया नाय: प्रकाश शाक्यया सभापतित्वय् न्ह्‍या:गु ख:सा अगीब बनेपालीं न्ह्‍याकूगु ख: ।

More Stories Like this