छुं हे मखुथंे जुल लोडसेडि·
नेपालय् जलविद्युतया प्रचुर सम्भावना दया: नं इलय् हे जलविद्युत योजनात दयेकेज्या पूवंके मफुगु व न्हूगु योजनात इलय शुरु याये मफुगु हुनिं विद्युत आपूर्ति मा:गु स्वयां यक्व हे म्ह्व: जक जुयावंगु दु । माग: व आपूर्तिया सिद्धान्तकथं कायेगु ख:सा माग अनुसार आपूर्ति यायेमफुगु अवस्थाय् थीथी समस्या वयेफु । थ्वहे समस्याया नमूना ख: नेपा:या: लोडसेडिङ ।
खय्तला नेपालय् न्ह्याक्व लोडसेडि¨ जूसा नेपा:मितय्सं पचे याये फये धंुकूग थें खने दयाव:गु दु वा थुकियात नियति हे ख: धका: नेपा:मितय्सं सकारे याये धुंकूगु दु । आधुनिक जीवनय् विद्युतया त:धंगु भुमिका दु । थीथी उर्जा मध्ये थ्व न्हियान्हिथंया आम जीवनया नितिं मदयेक मगा:गु उर्जा ख: । नेपा: थंे जा:गु कृषिं उद्योग व्यवसायपाखे विस्तारं पला: न्ह्याका व:गु देय्यात ला विद्युतं अतिकं हे महत्वपूर्ण भुमिका म्हिताच्वंगु दइ । उद्योग कलकारखाना निसें कया: सूचना प्रविधिइ तकं विद्युतया त:धंगु भुमिका दइ ।
थनि झिदँ न्ह्य:या जक खँ ल्हायेगु ख:सां लोडसेडि¨ धैगु अतिकं म्ह्व: जक जुइगु ख: । वालय् निघौ प्यघौया लोडसेडि¨ जक जूसा सरकार मैनमत दयेकीपिं नाप कमिशन नल, इमजर्ेन्सी लाइट मीपिंके कमिशन काल धका: आरोप बीगु ख: । उब्ले थ्व खँ विचा: हे या:गु खइ मखु कि थन न्हिं १८ घौ नं लोडसेडि¨ जुइफु धका: । खय्तला २०५०/५१ सालपाखे बहस जुइगु छगू हटकेक ख: नेपालय् उत्पादन जुया: उप्व: जुइगु बिजुली गन छ्वयेगु धका: । उबले थुकिया निति सेमिनार गोष्ठी तकं जुइगु या: । अले उप्व: धैथे सेमिनार गोष्ठीइ उप्व:गु बिजुली भारतय् मीगु खँ जुइगु ख: धा:सा नेपालय् न निगु भा:या बिजुली बीगु खँ जुइगु ख: । बर्खां उप्व बिजुली जक छ्यला बुला याका: पेट्रोल डिजेलया आयात म्ह्व: यायेगु । तर थौं खँ थ्याक्क हे अ:ख: जूगु दु । आ: नेपालय् गनं विजुली हया: लोडसेडिङ म्ह्व: यायेगु गोष्ठी न्ह्याना व:गु दु । उर्जामन्त्री पोष्टबहादुर बोगटीं भारतं ५०० मेघावाट बिजुली हया: लोडसेडि¨ न्हि न्याघौलय् सीमित यायेगु खँ न पिहांव:गु ख: । तर थुगु इलय् विधुत प्राधिकरण न्हि ९ घौया लोडसेडि¨या तालिका पित हये धुंकूगु दु । अले लोडसेडि¨या र्इ बढे जुया: १९ घौतक थ्यनेफुगु खँ न प्राधिकरणया मनूतय्सं धाये धुंकूगु दु । थुकथं लोडसेडि¨या माहामारी नेपा:मितय् छ्यनय् क:वगु दु । गुगु कि अविश्वसनीय थें खनेदु ।
विज्ञ धा:पिसं विभिन्न तथ्यांक क्यना विद्युत उत्पादन म्ह्व: जूगुलिं हे थुपाय् हाक:गु लोडसेडि¨ यायेमा:गु खँ पितहयाच्वंगु दु । तर लाताभासं हिसाव याइपिं सामान्य जनतां थ्व लोडसेडिङ नं कृतिम लोडसेडिङ ख: । थपाय्हाक:गु लोडसेडिङ यायेमा:गु अवस्था हे मदु, लोडसेडिङ वढे यायेगु धइगु इन्भर्टर, जेनेटर लगायत साधन मीपिनि नाप साँठगाँठ या:गु ख: धका: नं धायेगु या: । लोडसेडि¨ आम जीवनयात तसक थाकुका व्यूगु दु । छम्ह कार्यकर्तायात जेलय् मेपिं कैदीतय्सं दाया: स्यात धका: अपाय्सकं आन्दोलन घोषणा याइपिं दलतय्सं बिजुली अभाव जीवनस्तर हे कुहां वनाच्वंगु करोडौं जनतायात म्वा:म्वाकं स्यानाच्वंगु खँयात गुब्लें इश्यू दयेकूगु खनेमदु । उकिं लोडसेडि¨ नेपा:मितय् नितिं दु:ख ख:सा थ्व नियति थें जुइधुंकुगु अनुभव जुइ । छगूकथं धायेगु ख:सा लोडसेडिङ नेपा:मितय् नितिं पचे जुइधुंकूगु दु ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
