छंके हे जि तंका
ज्ञानी शोभा तुलाधर नेवाः
यानं निसें दं वयाच्वन, छ जिगु न्ह्यःने ।
डव डव थ्वयेका, भुतिमालि ब्वयेका ।
सकसियां नुगःयात चंचं धायेक ।
न्ह्याःम्ह स्वसां ल्याय्म्ह ल्यासे जुइकाः ।
नःलि स्वां झःझः धायेक छ्यनय् ।
भुयुसिन्हः, म्हासुसिन्हः, मोहनि सिन्हः तिनाः ।
ह्याउंक सिन्हः कपालय् जायेका ।
ह्याउंगु क्वखा क्वखाया मोहनि न्यायेकाः ।
थौंया इलय् जि धात्थे हे तापाक ल्यूने ।
लिमलाःगु हुलय् जि तंका ।
छ खना नं छन्त जिं लसकुस यायेमफया ।
ब्वां ब्वां जुया छं जितः मायेका ।
जि सदां छंम्ह हे खः छं जितः मखंसां ल्यूने ।
जि छंगु लंपुतिइ हे लुइका ।
गंुगुया हररर वास, सिसावुसाया मगमग वासनां ।
लसकुस जिं छन्त याना छंके हे जि तंकाः ।
Related Stories
गुलि ह्यूपाः सुं वये त्यः थें थ्यंके फयेमाः येँया पुन्हि [चिनाखँ]More Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
