पौडेलया सीम्ह हेलिकोप्टरय् तयाः चितवनय् यंकीगु
येँ(सन्ध्या टाइम्स)/कांग्रेसं थौं तरुण दल चितवनया अध्यक्ष शिव पौडेलया सीम्ह लःल्हानाकाःगु दु। पार्टीया सभापति सुशील कोइराला शिक्षण अस्पतालय् वनाः सीम्हय् पार्टीया ध्वाँचं फायेकाः अन्तिम श्रद्धाञ्जली प्वंकादीगु खः।
पौडेलयात सहिद घोषणा यायेत नापं वय्कःया लिसें कुनातःपिं मेमेपिनिगु मुद्दा लित कायेत सरकार सकारात्मक जूगुलिं कांग्रेसं सीम्ह लःल्हानाकाःगु खः।
पौडेलया सीम्ह थौं हे नेपाली सेनाया हेलिकोप्टपाखें चितवनय् यंकीगु नापं चितवनय् शवयात्रा यानाः सनिलय् देवघाटय् अन्तिम संकार यायेगु ज्याझ्वः दु धकाः कांग्रेसया नेता दिपक गिरीं जानकारी बियादीगु दु।
