गजल

सुरज रञ्जितकार

थ:गु भाय् तजिलजि बिस्कं हे दुम्ह
मालाच्वना नेवा: लागाय् नेवा: छम्ह
लच्छि मपाक्क वइगु नख: चख: झीगु
कला-संस्कृति मुना थां थें दना च्वंम्ह
जात्रा, संल्हु, चह्रे, आमै, पुन्हि थ्व फुक्कं
नख: चख: दुने दुबिना म्वानाच्वंम्ह
लाखय्, भैलः, पुलुकिसि, महाकाली व
पुर्खाया कला कय्‌च्याना म्वाकातःम्ह
चुक, बहाः, ननि, तुंथी झी यचुपिचु
थ:गु लकस सुसा: याना न्हिला म्वाःम्ह

More Stories Like this