नेवाः संचारकःमि दबू दयेकेत ग्वसाःखलः

येँ (सन्ध्या टाइम्स)/ नेवाःतय्गु राष्ट्रिय संगठन नेवाः देय् दबूया भातृ संगठनया रुपय् नेवाः संचारकःमि दबू दयेकेगु नितिं म्हिगः नेवाः संचारकःमितय्गु छगू मुँज्या जुल। उगु मुँज्यां नेवाः संचारकःमि दबू मुँज्या ग्वसाःखलः नीस्वंगु खः। उगु ग्वसाःखलःया कजि श्रीकृष्ण महर्जन, लिउकजि राज्य लक्ष्मी शाक्य, छ्याञ्जेय् नृपेन्द्रलाल श्रेष्ठ अथे हे दुजलय् उदेन न्हूसाय्मि, शिला साय्मि, सुगतरत्न सिन्दुराकार, प्रेरणा शाक्य, ज्ञानकुमार महर्जन, ज्ञानबहादुर नेवाः, रमेश मानन्धर व किचःमान ज्यापु च्वनादीगु दु ।