दुघाः जुलुस व याकः लसय् पिदन

येँ (सन्ध्या टाइम्स)/इसासया न्ह्यब्वया "दुघाः जुलुस" व "संगीतकार गुज्ये मालाकारया याकः लसय् म्येँ मुना" वंगु शनिवाः किपुलिइ छगू ज्याझ्वःया दथुइ चिखिफ्यने ज्या जुल। ज्याझ्वलय् मूपाहा कथं झायादीम्ह पर्यटन व नागरिक उड्डयन मन्त्री दिलिप महर्जन व एकीकृत नेवाः राष्ट्रिय मुक्ति मोर्चाया नायः दिलबहादुर श्रेष्ठपिंसं मंकाः कथं उलेज्या यानादिल। ज्याझ्वलय् जन गायक बदन शर्मा व रामेश श्रेष्ठपिंसं समीक्षा यानादीगु खः। इसास किपू शाखाया नायः वीरप्रसाद भंसारीया सभापतित्वय् न्ह्याःगु उगु ज्याझ्वलय् न्वकु दिलिप महर्जनं लसकुस यानादीगु खः। 'दुघाः जुलुस' सि.डी. म्येचाः खःसा 'संगीतकार गुज्ये मालाकारया याकः लसय् म्येँ मुना' भी.सि.डी. खः ।