धर्मोदय सभाय् न्हूगु नेतृत्व
येँ (सन्ध्या टाइम्स)/धर्मोदय सभाया ६८ क्वःगु केन्द्रीय साधारण सभां न्हूगु नेतृत्व ल्यःगु दु। म्हिगः क्वचाःगु साधारणसभां न्याम्ह उपाध्यक्षय् लक्ष्मीदास मानन्धर, इन्द्रबहादुर गुरुङ, पद्मज्योति कंसाकार व नानीमैंया मानन्धरयात निर्वाचनया माध्यमं ल्यःगु दु ।
अथे हे सचिवय् सागरमान बज्राचार्य, दुजलय् छसिकथं पुष्पराजन शाक्य, भिक्षुणी अनोजा गुरुमा, बद्रिनारायण मानन्धर, कृष्णकुमार प्रजापति, डा. अनुप श्रेष्ठाचार्य व बासन्तीदेवी बज्राचार्य निर्वाचित जूगु खः। महासचिवय् रत्नमान शाक्य, सहसचिव अशोकानन्द बज्राचार्य, कोषाध्यक्षय् त्रिरत्न तुलाधर व सहकोषाध्यक्षय् निर्मला कंसाकार थ्वयां न्ह्यव हे निर्विरोध निर्वाचित जुयादीधुंकूगु खः ।
थुकथं हे न्यागू क्षेत्रपाखें न्याम्ह दुजःत नं निर्विरोध जूगु दु। थुगु न्हूगु नेतृत्व स्वदँया नितिं खः। कन्हय् धर्मोदय सभाया न्हूगु नेतृत्व व पुलांपिनिगु दथुइ मंकाः कथं बैठक च्वनीगु जूगु दु। वंगु शनिवाः किपूया नगरमण्डप श्रीकीर्ति विहारय् जूगु उद्घाटन समारोहया उलेज्या संघनायक भिक्षु अश्वघोष महास्थविरं यानाबिज्याःगु खः ।
