बन्दं संविधान निर्माणय् प्रभाव

येँ (सन्ध्या टाइम्स)/कांग्रेसं थौं नेपाल बन्द आह्वान याःगुलिं संविधान निर्माणया ज्या नं प्रभावित जूगु दु। बन्दया कारणं थौं उपस्थित जुइ मफयेवं संविधानसभाया संवैधानिक समितिया बैठक स्थगित जूगु दु। संविधान निर्माणया निंतिं विवादित विषयय् सहमति जुइ धुंकूगु व उकियात अनुमोदन यायेत धकाः थौं सुथय् संवैधानिक समितिया बैठक सःतातःगु खः। थौं बन्द जुयाः समितिया सदस्यत वये मफुगुलिं बैठक स्थगित यानागु खः धकाः समितिया सभापति नीलाम्बर आचार्यं धयादीगु दु। आः समितिया मेगु बैठक पुष ६ गते बुधवाः सुथय् ९ बजे च्वनीगु जूगु दु ।