नेवाः संचारकःमि दबू नीस्वनेगु निंतिं ग्वसाः खलः

नेवाःतय्गु राष्ट्रिय संगठन नेवाः देय् दबूया भातृ संगठनया रुपय् नेवाः सञ्चारकःमि दबू नीस्वनेत छगू ग्वसाः खलः नीस्वंगु दु । आइतवाः संचारकःमिपिनिगु छगू भेलाया दथुइ सञ्चारकःमि दबू नीस्वनेत झिंछम्हेसिया ग्वसाः खलः नीस्वंगु खः ।

उगु ग्वसाः खलःया कजि श्रीकृष्ण महर्जन, ल्यू कजि राज्यलक्ष्मी शाक्य, छ्याञ्जे नृपेन्द्रलाल श्रेष्ठ अथेहे दुजलय् उदेन न्हूसाय्मि, ज्ञानकुमार महर्जन, सुगतरत्न सिन्दुराकार, शिला साय्मि, ज्ञानबहादुर महर्जन, प्रेरणा शाक्य, रमेश मानन्धर व किचःमान ज्यापु च्वनादीगु दु ।

उगु मुँज्यां नेवाः सञ्चारकःमिपिनिगु छगू तःजिगु भेलाया दथुइ नेवाः सञ्चारकःमि दबू नीस्वनेगु धकाः तकं क्वःछिउगु दु । उकिया निंतिं नेवाः सञ्चारकःमिपिंत स्वापू तयेगु निंतिं पत्रपत्रिकापाखे सुगतरत्न सिन्दुराकार, प्रेरणा शाक्य, एफ. एम.पाखे उदेन न्हूसाय्मि व रमेश मानन्धर, अथेहे टेलिभिजनपाखे सञ्चारकःमितय्त स्वापू तयेगु निंतिं राज्यलक्ष्मी शाक्ययात भालाः बिउगु दु ।

More Stories Like this