मचा किपा च्वज्या व मचा न्वचु कासा जुल

येँ (सन्ध्या टाइम्स)/कन्सर्न नेपाल व बिचाः दबूया मंकाः ग्वसालय् नीक्वःगु मचा किपा च्वज्या कासा व झिंखुक्वःगु मचा न्वचु धेधेंबल्लाः कासा म्हिगः क्वचाल। नेपाल संवत् राष्ट्रिय न्हूदँ समारोह समिति ११३२ या नायः पद्मरत्न तुलाधरया सभापतित्वय् महिला बालबालिका तथा समाज कल्याण मन्त्रालयया सचिव आनन्दराज पोखरेलं उगु कासा उलज्या यानादीगु खः। निगुलिं कासा 'सुचुकुचु याये नु, मचा अधिकार कायेनु' धइगु विषय बियाः याकूगु खः ।