चिकुं पुनाः एमाले नेता मंत

येँ (सन्ध्या टाइम्स)/महोत्तरीइ एमालेया दलित नेता उत्तिम सरदार चिकुं पुनाः थौं सुथय् सीगु दु। लोकतान्त्रिक आन्दोलन व दलित मुक्ति आन्दोलनय् सक्रिय जुयाच्वंम्ह एमालेया ७० दँ दुम्ह सरदार उकथं सीगु खः धकाः एमाले महोत्तरीं धाःगु दु। सरदार चिकुं पुनाः हरिहरपुरया थःगु हे छेँय् सीगु खः। तराई लागाय् चिकुं पुनाः सीपिनिगु ल्याः झन झन अप्वयावःगु दु। छुं दिं न्ह्यः जक तसकं ख्वाउँगु नापं शीतलहर वःगुलिं पर्साय् छम्ह सीगु खः। वंगु चान्हय् पोखरिया गाविसय् ५५ दँ दुम्ह खेदियादेवी सीगु खः। अथे हे न्यान्हु न्ह्यः नं चिकुं पुनाः सप्तरीइ निम्ह मस्त सी धुंकूगु दु ।