थौं व्यापारितपाखें बर्दियाय् बजाः बन्द

येँ (सन्ध्या टाइम्स)/शान्ति सुरक्षाया माग यानाः थौं बर्दिया बन्द आह्वान याःगुलिं अनया बजाः पूर्णरुपं बन्द जूगु दु। उद्योग वाणिज्य संघं उगु बन्दया आह्वान याःगु खः। लिपांगु इलय् होटल व पसलय् तकं बम मुइकाबीगु नापं चन्दा कायेगु ज्या तीव्र रुपं जुयावःगुलिं इमिसं सुरक्षाया माग यानाः थौं बन्द आह्वान याःगु खः। बन्द आह्वान याःगुलिं सदरमुकाम गुलरिया, बाँसगढी, मैनापोखर, भुरीगाउँ, सानोश्री बजाः बन्द जूगु दु ।