नेपालय् न्हापागु सौर्य–वायु मिश्रित प्रविधि
नवलपरासी जिल्लाया धउबडी गामय् सौर्य–वायु मिश्रित प्रविधिपाखें विद्युत उत्पादन यायेगु ज्या न्ह्याकूगु दु । थ्व सौर्य–वायु मिश्रित प्रविधि नेपालया न्हापांगु विधुत उत्पादन प्लान्ट ख: ।
एसियाली विकास बैंकया आर्थिक व प्राविधिक ग्वहालिइ न्ह्याकूगु थ्व प्लान्टया क्षमता ४३.६ किलोवाट उत्पादन यायेगु ख: । कूल ४३.६ किलोवाट ऊर्जा दयेकेत ५ किलोवाट क्षमताया वाइन्ड टर्वाइन व २ किलोवाटया सोलार ड्रायर व वायोग्यास प्रणाली जडान याःगु दु । थ्व सेवा दयेधुंका धउबडी वासिन्दातय्गु कठोर जीवन सहज जुइगु धाःगु दु । नापं एडिबीं ग्रीनहाउसलय् सौर्य ऊर्जा उपयोगया संरचना दयेकेगु व नगदे बालि तरकारीया उत्पादनलय् सिंचाईया प्रबन्ध यायेगु थःगु योजना दुगु नं धाःगु दु ।
वातावरण राज्यमन्त्री दुर्गादेवी महतो व बैँकया दक्षिण एसियाली विभागका महानिर्देशक एस हाफिज रहमानं छगू ज्याझ्वया दथुइ थुगु प्लाण्टया उलेज्या यानादीगु खः ।
More Stories Like this
छु दु आइफोन ५ य् ? न्हापांगु ल्यापटप डिजाइनर मन्त याहूं २ हजार कर्मचारीत कटौति याइगु फेसबुकं मार्क जकरबर्गयात मुद्दा तयेगु ख्याच्वः नीन्यागू 'झुर' पासवर्ड
