जि सिदार्थ थ्व परिबेशया
सौरभ शाक्य
तःक मछिं
जि सिदार्थ जुयाः
थः,मां बौ, कलाः। म्चाखाचा,छेंय त्वःताः
सुइतं मकंसें
सुइकें मन्यंसें
जि बिस्यू वने धुन
बुध्द जुइगु तातुना ।
जि हानं हानं
लिहाँ वइच्वना बुध्द मजुसें
सिदार्थन्तुं जुयाः
लोभ, लालच, दुःख पीर, प्वःप्वः घाना
सुखया आसय् ।
जिगु न्ह्यःने जुजु सुध्दोधन मदु
न महारानी प्रजापति गौतमी हे दु
न राजप्रासाद हे दु
जिगु न्ह्यःने
छगू बल्चा दु
बल्चाय् दुःने
धुसि लुपिं बुराबुरि दु
गपिनि जि तुतां खः ।
जिगु न्ह्यःने न ल्यासेम्ह यसोधरा दु
न राजकुमार राहुल दु
दुसा
साहूया छेंय् वना
लः कयाः भारा सिला वसः हिया
परिवार लहिना च्वंम्ह कलाः दु
नापं
न्हि सुतु सुतु वयेका जुइपिं
निम्ह मचात दु
मेकथं धायेसा
जिगु न्ह्यःने
थौं नयाः कन्हय् छु नये धाइपिं
परिवार दु
लिसें महँगी दु, अभाब दु
ल्वापुं जर्जर जुयाच्वंगु देश दु
देशय् जायेक
आतंक दु
भय् दु
त्रास दु
थ्व फुकं लुमंका
जि लिहाँवइच्वना
बुध्द मजुसें
सिदार्थन्तुं जुया ।
Related Stories
अचाकलि [चिबाखं] राजनिति मसिउम्ह काय् थथे नं जुइयः [ ध्याचु ] गधा [ ध्याचु ]More Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
