विमानस्थलया प्रहरीपाखें न्हकुइ गोलीं कयेकाः आत्महत्या
येँ (सन्ध्या टाइम्स)/पोखरा विमानस्थल लागाय् थौं सुथय् छम्ह सुरक्षाकर्मीं थःगु हे न्हकुइ गोलीं कयेकाः आत्महत्या यात। विमानस्थल सुरक्षाय् खटे जुयाच्वंम्ह कास्की लामाचौरया प्रहरी सई बलराम अधिकारीं थःगु पेस्तोलं थःगु हे न्हकुइ गोलीं कयेकाः आत्महत्या याःगु खः। सुथय् ९.२५ बजे वं थःगु न्हकुया जवय् गोलीं कयेकूगु खः। वं आत्महत्या याःगुया कारण धाःसा सीके मफुनि ।
उखे यलया चक्रबहिली च्वंम्ह ५५ दँया सूर्यलाल ताम्राकार म्हिगः थःगु हे छेँया पल्लिं कुतुं वयाः सीगु दु। प्यतँजाः च्वय् जस्ताया पल्लिइ द्यनाच्वंम्ह ताम्राकार अनं कुतुं वयेवं पाटन अस्पताल यंकूगु खःसा अन वयात मदयेधुंकूगु घोषणा याःगु खः ।
