लहानय् छम्हेसित स्यानातल, दाङय् बसं ठक्कर नकाः छम्ह मंत
येँ (सन्ध्या टाइम्स)/सिरहाया सदरमुकाम लहानय् वंगु चान्हय् अज्ञात मनूतय्सं छम्ह मिजंयात स्याना बिउगु दु। पालाः स्यानातःम्ह मनूयात म्हसीके मफुगु खँ प्रहरीं धाःगु दु। सीम्हेसिया लाश थौं सुथय् लुयावःगु खः। उम्ह मनूयात नुगःपा, गःपः नापं म्हया थीथी थासय् विभत्स ढंगं पाला तःगु खनेदु ।
मेखे दाङय् थौं सुथय् बसं ठक्कर नकाः छम्ह मनू सीगु दु। तुलसीपुरं सल्यानपाखे वनाच्वंगु ना. २ ख ४९५५ नम्बरया बसं ठक्कर नकाः तुलसीपुर-९ बेलुवाया ५८ दँ दुम्ह भुपबहादुर खड्का घटनास्थलय् हे सीगु खः। बस व चालकयात प्रहरीं ज्वनेधुंकूगु दु ।
