फागुन २१ गते एमालेया प्रदर्शन

येँ (सन्ध्या टाइम्स)/एमालें थ्व हे वइगु फागुन २१ गते येँय् तःजिक जनप्रदर्शन याइगु जूगु दु। 'संघीय गणतन्त्रया निंतिं इलय् हे संविधान, सुदृढ एमाले दयेकेगु अभियान' धइगु नारा बियाः उगु प्रदर्शन यायेत्यंगु खः। एमालें स्वला तक पार्टी सुदृढीकरण अभियान न्ह्याकेगु झ्वलय् येँय् उगु प्रदर्शन यायेगु तयारी यानागु खँ एमालेया केन्द्रीय दुजः नापं स्वनिगःया इन्चार्ज राजेन्द्र श्रेष्ठं कनादीगु दु ।