'स्वलाया दुने स्थानीय चुनाव यायेफु'

येँ(सन्ध्या टाइम्स)/स्थानीय विकासमन्त्री टोपबहादुर रायमाझीं यदि देशय् राष्ट्रिय सहमतिया सरकार गठन जुल धाःसा स्वलाया दुने हे स्थानीय निकायया चुनाव याये फइ धयादीगु दु।
जिविस, गाविस व नपाया राजनीतिक संयन्त्रं यानाच्वंगु ज्या सन्तोष जनक मजूगुलिं चुनावय् वनेमाःगु बिचाः प्वंकादीगु दु। वय्कलं धयादिल, 'फुक्कं दलत चुनावय् वनेमाः धइगु पक्षय् हे दु।'
'यदि राजनैतिक दलतय्सं संस्थागत निर्णय याना वल धाःसा स्वलाया दुने यायेफु।' वय्कलं धयादिल।