भारत न्याक्वखुसि साफ च्याम्पियन, बांलाक म्हिता: न बुत नेपाल
भारतं न्याक्व खुसी साफ च्याम्पियिनसिपया फुटबलया उपाधि त्याकेत ता:ला:गु दु । वंगु आइतवा: जूगु फाइनल कासाय् भारत न्हापांखुसि फाइनलय् थ्यंगु अफगानिस्तानयात प्यंगू गोलं बुका: साफ च्याम्पियनशिपया कप ल्ह्वनेत ता:ला:गु ख: । न्हय्क्व:गु साफ च्याम्पियनशिप अन्तर्गत भारतया दिल्ली जूगु उगु फाइनल कासाय् नेपाली मुलया भारतीय कासामि सुनिल क्ष्ोत्रीं न्हापांगु गोल यासें भारतयात न्ह्य:ने यंकूगु ख: थुकिया १० गू मिनेट दुने मेगु स्वंगु गोल थ्वाना: भारतं उगु उपाधि त्याकूगु ख: । अफगानी गोलकिपरयात रेड कार्ड क्यना: पित छ्वयेवं १० म्ह खेलाडी सीमित जूगु अफगानिस्तान वल्ला:गु टिम जूसां दक्लय् प्रभावशाली गोलकिपर पिहां वनेवं भारतया आक्रमणयात पनेत असफल जूगु ख: । थुगु कासाय् भारतया नेपाली मूलया कासामि सुनिल क्ष्ेत्री दक्कलय् उप्व: ७ गू गोल थ्वासें 'म्यान अफ द सिरिज' घोषित जूगु ख: । थुगु कासाया पुरस्कार राशी ५० द्व: डलर ख: । थुपालेया साफ च्याम्पियनशिपय् नेपालं नं बांला:गु प्रर्दशन या:गु ख: । नेपा:या कासामिपिन्त उपाधि त्याका व:सा जीवंका:छी लय् १० द्व: तका भत्ता बीगु धका: एन्फां घोषणा या:गुलि कासामितय् जीवनय् नं थ्व महत्वपुर्ण कासा जूगु ख: । अथे जुया: न जुइफु उत्साहित जूपिं कासामिपिसं भारतय् त:जिगु फुटवल कासा प्रर्दशन यासे बंगालादेशयात बुका: सन् १९९९ लिपा न्हापांखुसी थुगु कासाय् सेमिफाइनल थ्यंगु ख: । अझ नेपा:या कप्तान सागर थापां या:गु फ्रिकिक गोल विश्वया हे उत्कृष्ट ५ गु गोलमध्ये ला:गु ख: । सेमिफाइनलय् अफगानिस्तान नाप अन्तिम इ तक नं बांला:गु कासा म्हितुगु ख:सां गोल यायेत धा:सा चुके जुगु ख: । थप इलय् अफगानिस्तानं १ गू गोल थ्वासें नेपालयात बुकुगु ख: । थुकथं नेपाल बांला:गु कासा म्हिता: न साफ च्याम्पियनशिपया धेंधें बल्लाखं पिने ला:वंगु ख: ।
News Location:
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
