बोल्ड विद्याया स्टार पावर
थौकन्हय् बलिउडय् दकलय् चर्चित संकिपा जुयाच्वंगु दु 'द डर्टी पिक्चर्स' । अले थुकिया नकिं जुया: बोल्ड भुमिकाय् न्हापांखुसी खनेदयेकव:म्ह नकिं मय्जु विद्या बालनयात थुगु संकिपा थुलि हाइट बिल कि थ्व सुनां न कल्पना तकं या:गु खइ मखु ।
विद्याया स्टार पावर थौकन्हय् बलिउडया दक्कलय थिकेपिं नाय:पिं खानतय् बराबर जूगु खँ धा:गु दु । थुकथं 'परिणीता' थेंज्या:गु संकिपाय् सौम्य नकिं जुया: हिन्दी संकिपाय् दुहाँ व:म्ह विद्या बालन थुकथं अंग प्रर्दशन व अश्लील सम्बादया कारण चाचां हे बलिउडया शक्तिशाली नकिंया रुपय् स्थापित जूगु दु । विद्याया लिपांगु संकिपा 'द डर्टी पिक्ट्चर्स'यात कया: सुटि¨या इलंनिसे यक्व खँय् बय्बय् जुया व:गु ख: । सुटि¨या झ्वलय् हे विद्यां या:गु अंग प्रदर्शनया खँयात मू विषयवस्तु दयेका मिडियातय्सं नकारात्मक टिप्पणी यानाह:गु ख: । आ: उगु फिल्म रिलिज लिपा विद्या छक्वलं थुगु हाइट कायेत ता: लाइ धका: सुनां विचा: तकं या:गु खइमखु । 'द डर्टी पिक्चरर्स' बलिउडया इलोह (माइलस्टोन) संकिपा साबित जूव:गु दु । एकता कपूरया निर्माण दुगु मिलन लुथरिया निदर्ेशनय् दयेकेज्या जूगु 'द डर्टी पिक्टरर्स' या बाखं दक्षिण भारतया ८० दशकया छम्ह मोडल स्मिता सिल्कया जीवनी नाप ज्व:ला:गु धका: धा:गु दु । खय्तला बांखया ल्याखं धायेगु ख:सा थुज्व:गु बाखनय् गुरु दत्तं सन् १९५५ पाखे हे संकिपा दयेके धुंकूगु खनेदु । स्टारया खँ ल्हायेगु ख:सा उकी मिजं पात्र क्यनात:गु दु धा:सा थुकि मिसा पात्र । छम्ह आइटम डान्सरया जीवनय् संकिपा दयेके बलय् अंग प्रर्दशन यक्व थाय् क्यनेगु ज्या छिनी थुकियात निदर्ेशकं बांलाक्क ध्यान बियात:गु दु । 'द डर्टी पिक्चर्सय्' विद्या वालनयात उकथं ब्वयेगु कुत: याना: त:गु दु धा:सा सम्बाद नं उकथं हे अश्लील रुपं तप्यंक हे नवाका त:गु दु । खय्तला बामला:गु खँयात थुगु संकिपाय् थुलि बांलाक प्रस्तुती याना तल कि थुकि स्वकुमितय् ल्या: न्हियान्हिथ उप्वयेका व्यूगु दु ।
'द डर्टी पिक्चर्स' खय्तला यक्वसित लब: बिल । निर्माता एकता कपूरयात आर्थिक रुपं यक्व लव बिल । थुगु संकिपा: न्यान्हुया दुने ७० करोड भारु कमय् या:गु रेकर्ड दु । निदर्ेशकया खुवियात कया: नं थ:गु हे कथंया लब: वल जुइ । तर थुकिं विद्या बालनयात थुलि हाइट बिल कि बलिउडया हट आइटम विपासा वासु मल्लिका शेरावटनिसें कया: थौकन्हय्या न्हूपिं नकिंपिं तकं चा:चू् आइटम थें जुल । थुकिया मू कारण ख: विद्या बालनया सजीव अभिनय । बोल्ड सिन व भद्दा सम्बादय् जक मखु सम्बेदनशील भुमिकाय् नं विद्यां या:गु अभिनय उलि हे तारिफ योग्य जू । उकिं हे जुइफु, विद्याया स्टार पावरं सर्ग:या हाइट का:गु दु ।
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
