‘पानवति’ सुटिङया छन्हु
टोखाया चण्डेश्वरी, यच्चुगु लकस न्ह्यइपुगु मौसम वँचुगु सर्ग: अले वाउँगु गुँया क्वय् बांलाक समा: याना नेवा:तय् म्हसीका बीकथंया वस: पुना: मनूत देग: न्ह्य:ने नाप लाना च्वंगु । थुबले निदर्ेशक सुरेन्द्र तुलाधरं एक्शन धायेवं नारायणदेवी प्रधान व सनम शाक्य (पानवती) व हे पुचलय् इन्टि्रयात 'थ्व जिमि म्ह्याय् पानवति का ....' नारायणदेवी प्रधानया सम्बादय् 'ओके कट' धासें निदर्ेशक तुलाधरं उगु सट पाय्छि जूगु घोषणा यासें क्यामरा पर्सनयात क्यामरा एंगल हिकेत आदेश बी । थथे संकिपाया प्रस्तुतियात गुकथं बांलाके फइ धका: ध्यान विया: वय्कलं क्यामरा एंगल परिवर्तन यायां सटया आदेश ब्युब्युं वनी । उगु लूखय् दुपिं पात्रपिं महन्तलाल मल्ल, पल्पसा डंगोल, हरिमान दिवाकार, भोगेन्द्र मानन्धर, अन्नपुर्ण्ोश्वरी श्रेष्ठ, ह्दयप्रसाद मिश्र, नारायणदेवी प्रधान व 'पानवती' मय्जु सनम शाक्ययानाप मेमेपिनि नं सम्बाद व मुभमेन्ट विभिन्न कोणं खिचे यायेगु ज्या जुइ ।
न्हि विनाच्वंगु दु । ज:यात ध्यान त:सें सिन याकनं क्वचायेकेमा:गु अवस्थायात इर्ंगित यासें निदर्ेशक तुलाधरं क्यामरा पर्सनयात क्रेन शटया नितिं तयार यायेत निदर्ेशन बी । न्याम्ह खुम्ह ज्यासनामिपिसं क्रेनया तयारी याइ । क्यामरा पर्सन क्रेनय् च्वनी । 'एक्शन' या सलय् क्रेन सर्रर थाहाँ वनी । नारायणदेवी प्रधानयात केन्द्रया तया: उगु लू खिचे यायेगु ज्या जुइ । तर क्रेनयात होल्ड याये मफया: निगु टेक स्यनी । 'सरी' धासें क्यामरा पर्सनं ज्यासनामिपिन्त अन्तय् क्रेन होल्ड यायेगु तरिका धाइ । व हे सट जुइ क्रेन सरर्र थाहा वना: होल्ड जुइ । 'ओके कट' क्यामरा गथे दु ?' निदर्ेशकं न्यनी 'पाय्छि जू' क्यामरा पर्सनया लिस: वइ ।
४:३० बजे चिकुलाया इ ज: म्ह्व: जुजंु वन । सिन नं क्वचाल । का सुटिङ प्याक अप धका: निदर्ेशक तुलाधरं उगु दिनया सुटिङ क्वचा:गु घोषणा जुल । संकिपाया सुटि¨ न्ह्यइपुक बांलाक जूगु खनेदत । कलाकारपिं नं फुक्कसिया चित बुझे जू । इलय् ब्यलय् निदर्ेशक तुलाधरया कमाण्डिङ भ्वाइसं कलाकारत झस्के जूगु नं खनेदु । अथे जूसां कलाकारपिं नं सन्तुष्ट हे खनेदु । सुटिङ न्ह्यइपुक हे न्ह्यानाच्वंगु कलाकारतय्सं अनुभव प्वंकल । थुकथं पानवतिया सुटिङया छन्हू क्वचाल ।
News Location:
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
