बिजुली – मञ्जु श्रेष्ठ
नेपा:या राष्टि्रय कलाकारया रुपय् थ:गु म्हसीका बीत ता:लाये धुंकूम्ह छम्ह कलाकार ख: मञ्जु श्रेष्ठ । खय्तला मञ्जु श्रेष्ठयात आम नेपा:मि स्वकुमिपिसं 'बिजुली'या नामं म्हसीकेगु या: । वय्कलं 'तीतो सत्य' नांगु टेलिसिरियल रवि डंगोलनाप ज्व: जुया: भूमिका म्हितादीगु ख: । उबले बेमान व बिजुलीया लोकपि्रयता थुलि उप्वया वन कि टेलिसिरियल तीतो सत्यया मू पात्रपिं दीपकराज गिरी व दीपाश्री निरौलाया जोडी नापं ल्यूने ला:वंगु ख: । थुकथं निर्माता निदर्ेशक नं जुयाच्वंपिं पात्रपिं हे किचलय् लाकेफुगु ज्व: रवि डंगोल व मञ्जु श्रेष्ठया ज्व: अर्थात् बेमान बिजुलीया ज्व: खना:, निर्माता निदर्ेशकपिं नापं झस्के जूगु खँ चर्चाय् वयेगु या: । आ: उगु ज्व: खस नेपाली भाय्या सिरियलय् खने मदये धुंकल । छुं इ न्ह्य:निसें थुगु ज्व: एनटीभी प्लसय् क्यनावयाच्वंगु अमृतचन्द्र श्रेष्ठया 'स्वयेगु मखुला' सिरियलय् खनेदुगु ख: । मञ्जु श्रेष्ठ रविया ज्व: दुगु उगु सिरियलया छगू बाखं 'जेठा कान्छा'या डिभीडी बजारय् पिदने धुंकूगु नं दु । ता: इ लिपा थुगु ज्व:यात 'स्वयेगु मखुला' नेपालभाषाया सिरियलय् स्वये दया: स्वकुमिपिं नं लय्ता:गु खनेदु ।
२४ मार्च मञ्जु श्रेष्ठया बुदिं ख:, च्वबहा: वय्क:या जन्मस्थल । नेपालभाषा संकिपा ख्यलय् न्हापांखुसि 'निफ्व:स्वां' म्हितादीगु ख: । अले इमेज च्यानलया 'ख्वताबजि' ख्यालि टेलिसिरियल वय्कलं म्हितादीगु न्हापांगु नेपालभाषाया सिरियल ख: । कला निदर्ेशक निर्जल श्रेष्ठ, ख्वताबजि सुरुवातया इ निदर्ेशक नं ख:, वय्कलं हे मञ्जु श्रेष्ठयात ख्वताबजिइ ब्रेक बियादीगु ख: ।
संकिपा टेलिसिरियल, प्रदर्शन, ख्याल:, सडक नाटकंनिसें रेडियो नाटक तक यक्व हे ज्या यानादी धुंकूम्ह मञ्जु श्रेष्ठ न्हापांखुसि वि.सं. २०४८ सालपाखे 'घामछायाँ' नाटक म्हिता: कला क्ष्ोत्रय् दुहाँ झायादीगु ख: । अले वय्क:या न्हापांगु टेलिसिरियल सुमन रिमालया यथार्थ यात्रा ख: । संकिपाय् धायेगु ख:सा नीर शाहया 'बसन्तीं' यात्रा न्ह्याकादीगु ख: । नेपालभाषा नापं खस नेपाली भाषाय् नं उतिकं हे संकिपा टेलिसिरियल म्हिताच्वनादीगु दु । वय्क: लिपांगु इलय् नेपालभाषा सिरियल 'स्वयेगु मखुला' व संकिपा 'त्याग'या सुटिङय् व्यस्त जुयाच्वनादीगु दु ।
वय्कलं सुरेन्द्र तुलाधरया 'याक: म्ह्याय्', 'अंश', राजु मानन्धरया 'लभ म्यारिज', राजेशमान सिंहया 'चन्द्रमान', सुरेश बज्राचार्यया 'इहिपा', रोशन 'नविन' ताम्रकारया 'तुतां', 'मि. हर्कमान', 'गज्या:गज्या:पिं मनूत दइ थन' लगायत मेमेगु संकिपाय् नं स्यल्लाक्क अभिनय याना: क्यनादी धुंकूगु दु ।
अथेहे खस भाषापाखे 'आँखा लोभी मन पापी', 'जीवन साथी', 'समर्पण', 'दुर्गा', 'श्रीमान् श्रीमती', 'सिलसिला', 'मनमनै मन पराएँ' लगायत मेमेगु संकिपाय् अभिनय याना: यक्व प्रशंसा कायेत ता:लानादी धुंकूगु दु धा:सा नीर शाहया 'अकाल' व मदन घिमिरेया 'माया गर ल' क्यनेज्या ल्यं दनि । वय्कलं अभिनय यानादीगु टेलिसिरियलया लिस्ट ला अझं ताहा: ।
तुलसी घिमिरेया 'दर्शन जीन्दगीको', 'झझल्को'य् म्हितादीगु ख: धा:सा लोकंह्वा:गु 'जीन्दगीका रंगहरु' सिरियलय् नं म्हितादीगु दु । देवी, मुक्ति, आमा, लगन जुर्ला जस्तो छ, नापं मेमेगु यक्व सिरियलय् थ:गु अभिनय क्षमता क्यनादी धुंकूगु दु । वय्क: नेपा:या राष्टि्रय कलाकारया रुपय् लोकं ह्वाये धुंकूगु अवस्थाय् नं थ:गु मांभासं दयेकेज्या जुइगु संकिपाय् म्हितेत उलि हे ल:ल: धा: ।
नेपालभाषा संकिपाया स्तरयात कया: वय्कलं धयादी, 'संकिपा दयेके धका: वइपिं परिपक्व जुया: वयेमा: । संकिपाया विषय छुं हे ज्ञान मदुपिं थुगु ख्यलय् वया: ख्वा: क्यनेकथं जक नं ज्या या: वयाच्वंगु दु धा:सा एक्सन कट जक धया: निदर्ेशक नं जू वयाच्वंगु दु । गुलिखे निदर्ेशकपिसं गुगु सीनया गुगु सट गथे याना: कायेमा: धैगु पाविधिक ज्ञानतकं मदु । उकिं थुगु ख्यलय् वइपिसं संकिपाया विषय भचा ज्ञान गुण सीका: आधारभूत ज्ञान जक दयेका: जूसां व:सा बांलाइ ।
'नेपालभाषा संकिपाया बजा:या सवालय् वय्कलं धयादी 'ख:, बजा: उलि बांमला: । तर छाय् बांमलात विचा: यायेमा: । कलाकार, निदर्ेशक, व्यवस्थापन स्वया कमजोरीं स्वकुमित हलय् मवल थुकि नं अध्ययन यायेमा: । खय्तला नेवा: संकिपाया नितिं हल तक नं उपलब्ध मदु । सम्बन्धित पक्षं थुकियात नं ध्यान बीमा: ।
'स्तरीय संकिपा दयेकेगु खँ वयाच्वंगु दु तर गुकथं स्तरीय संकिपा दयेकेगु धइगु सुयाकें एजेण्डा खनेमदु । 'स्वकुमि ज्ञानीपिं समझदारपिं ख: । स्वकुमित जिमि मार्गदर्शक ख: । संकिपा हलय् तक वया: स्वयादिसँ अले बांला:सा ह:पा: बियादिसँ, बांमला:सा ब्व: नं बियादिसँ' वय्कलं धयादी ।
अथे म्वा: मदुगु विचा:या पपू बुयाव:गुलि व पांमथुगु जुलुया स: आलमं कुतवंगु नगु थें ताये मदया वंगु चा हे मचा: । न्हाच: सु हा:गु जुइ ! मस्यु, आ:ला हा:स नं मदये धुकल । हान भ्या: चायेका: स्वये नं मास्ति मवल । धू लगायत लँय् मोटर व साइकल निरिपिरि मदयेक न्यासि चाया: व्वाँय् वनाच्वनीगु स्वये हे मज्यू । अनायस हानं स: तायेदत । व जुलुसया नारा अज्ज नं पां मथू । हवाल्ल हिल्ल नं स: ताये दु । लिनाह:गु ख: ला मस्यु । जिं भ्यालं धु दुहाँ वइगु ल्व:मंका: म्या: चायेक: स्वया । छम्ह मनु याक:चा बेँय् हाला: वयाच्वंगु दु । - 'ल पापी तति त्याउँ ! ल: पापी तिति त्याउँ !!"
व मनूया ल्यू ल्यू वेँ गिजे याये थें स्वये हे खाते पह:यापिं बाल च्वनाच्वपिनि मस्त छपुच: छु धा:गु मथुया: "त्याउं..................त्याउँ धका, वयात गिजे यानाच्ववंगु दु । व वेँ मनु, मस्तयत च्यूता: मतसे हाला: व्वाँय् वनाच्वन ।
- "ल: पापी तिति त्याउँ ! ल: पापी तिति त्याउँ !!"
छु धा:गु ...........छु धागु जिं कचाक्क ध्याथुइके हे मफुत । थवलयय् वइगलं जिमि कला: हाला: कुहाँ वल । - " अय् हे धाये मा: इमित ! ल: मव:गु वा:छि मयाये धुकलं । देशय् दक्को मनूत थन वया: गारय जू वल । मेलम्चीया राजनीति याइपिं कुलांगारत ! न्हपा लिपा सा थथे ल: मवइवलय टयांकरं सां ल: इउ व: । आ: धयागु ला ग्व, भाषण जक बिस:पि ! जिं नं धाये इमित ला - " ल: पापी तिति त्याउँ ! का हुँ ।"
News Location:
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
