ज्यापू दिवस जातीय संस्कृतिया पहिचान
नेवा: छगू राष्ट्र ख: धका: झीसं धयावयागु दु । नेवा: राष्ट्र धैगु अर्थ थ्व नेवा: दुने नं छगू हे जातिया जक विशेषतां जा:गु राष्ट्र मखु । थुकी नेवा:तय् फुक्कं जात वर्ग समुदाय दुथ्या: । नेवा: राष्ट्र बने जूगु मुख्य आधार थन च्वंपि आदिवासी नेवा:त हे ख: । नेवा: राष्ट्र दुने बुँज्यामिनिसें कया: सिँक:मि, दक:मि, लुँज्याक:मि, नक:मि, बनेज्यामि, राजनीतिज्ञ कर्मचारी, स्यनामि आदि फुक्कं दुथ्या: । अले झीगु थ:गु हे भाय् नेपालभाषा दु धा:सा जात अनुसार भचा फरक फरक तजिलजि नं दु । थुकिया हे दथुइ वंगु थिंला पुन्ही (य:मरी पुन्ही) यात छगू ज्यापु समुदायं ज्यापु दिवश हन । खय्तला थ्व च्वाक्व:गु ज्यापु दिवश ख: । तर ज्यापु दिवश हनेगु शुरु या:बले थुकी उलि तच्व:गु विवादास्पद खँ पिहां मव: । लिपांगु इलय् ज्यापू दिवश ज्याझ्व:यात कया: नेवा:तय् दुने हे थीथी चर्चा व विवादास्पद खँ त पिहाँ व:गु खनेदत । राष्टि्रय पर्वया रुपय् सरकारं नापं बिदा बियात:गु ज्यापू दिवशयात कया: यक्वसिनं यक्व टिप्पणी याना हल । थ्व खँ गुलि पाय्छि वा मजू व खँ ला द हे दनि । मु खँ ज्यापू दिवश हना वइच्वंगु पायछि ख: ला कि मखु धैगु ख: । नेवा: राज्यया नितिं नेवा: स्वायत्त राज्य मंका: संघर्ष समिति स्वना: थीथी कथंया संघर्ष न्ह्याका: वइच्वंगु दु । थुगु संघर्ष समिति ज्यापु महागुथि व ज्यापु समाज यल याना: निगू घटक नं च्वना: संघर्षया लँपूइ न्ह्यानाच्वंगु दु । नेवा: प्रदेशया आन्दोलनया ज्यापु समुदायया उपस्थिति त:धंगु भुमिका नं म्हिताच्वंगु दु । नेवा: राष्ट्र दुने जातिय जनसंख्याया ल्याखं नं ज्यापु जाति दकलय् उप्व: जनसंख्या दुगु जाति ख: । अले सांस्कृतिकरुपं नं थ्व सुमदाय नेवा:तय् मेमेगु जाति स्वयां त:मिगु जाति ख: ।
अथे ख:सां नेवा: जाति दुने न्हापानिसें म्हय्या रुपय् दमित जुयाच्वंगु जाति ख: ज्यापु जाति । थौंया परिवर्तित इलय् नं ज्यापू जाति उप्व: धइथें लय्ताच्य: थें जुया: हे ज्या यानाच्वंगु खनेदु । राजनीतिक व शासकीय ज्ञानया कमि थुगु जाति दुने दु । पञ्चायतकालय् ला राष्टि्रय पञ्चायतया सदस्यया चुनाव जुइबलय् भोटया राजनीतिइ दकलय उप्व: छ्यलीगु जाति ज्यापु जाति हे ख: । आ: ज्यापुतय् दुने नं आर्थिक व शैक्षिक स्तर बांलाना वये धुंकुगु दु । पुलां पुस्ता दुने लय्ताच्य: बुद्धि दुसां न्हूगु पुस्ताय् शिक्षां मिखा चायेका बी धुंकुगु दु । थुज्या:गु अवस्थाय् थ:पिनि अस्तित्व नेवा: राष्ट्र दुने ब्यागलं क्यनेत तयार दु धैगु छगू छुमा: ख: – ज्यापु दिवश । ज्यापु दिवश नेवा:तय् नितिं नं बालांगु खँ ख: । थुकिं नेवा:तय् दुने विग्रह हइमखु । देय् ला एकात्मक राज्य जुइ मजिल, संघीय राज्य, समानुपातिक प्रतिनिधित्व दुगु जुइमाल धका: स: थ्वया च्वंबलय् नेवा: राष्ट्र दुने च्वंगु ज्यापु समुदायं यागु ज्यापु दिवशयात नेवा: प्रदेश दुनेया हे छगू समानुपातिक समावेशी दिवशया रुपय् कायेमा: थें च्वं । थुकथं हे थ:थ:गु जातिय दिवश हना: वनेगु तर नेवा: राष्ट्रया मामलाय् छगू हे दबुलिइ च्वना: नेवा: एकता दिवश हना: नेवा: राष्ट्रयात बल्लाकेगु ज्या याये फइगु स्थिति नं दु । थुकियात नं विचा: यायेमा: ।
थुपालेया ज्यापु दिवशयात कया: विवाद पिहां व:गु नं खनेदत ज्यापु दिवशय् खँय् भासं ज्याभ्mव: न्हयाकल धइगु आरोप नं लगे जुल । द्वलंद्व: ज्यापुतय्सं सांस्कृतिक झाकी नापं पिकया: हंगु दिवशया नेतृत्वय् दुपिं छथ्व: ज्यापु समुदाय असन्तुष्ट नं खनेदत । गैर ज्यापूतय्सं थुगु दिवसयात बेक्व: मिखां स्वया च्वंबलय् ज्यापु नेतातय्सं हे थुगु दिवशयात बांलाक हनेत ग्वाहालि मया:गु हुनिं नं थ्व दिवश विवादय् व:गु खनेदत । छगू कथं धायेगु ख:सा थुकि दुने नं पार्टीगत राजनीतिया घुसपैठ जू थंे खनेदत । उकिं थुगु ज्याझ्वलं शिक्षा कासे लिपा 'ज्यापु दिवश' फुक्क ज्यापु पुच: त्वा: व गैर ज्यापुयात नं गुकथं आकर्षक जुइकथं हने फइ उकिया बारे ग्वसा: खलकं । थनिंनिसें हे विचा: याये मा:गु खनेदु । नेवा: राष्ट्र जुसंेलि ज्यापु दिवशयात बेक्व: मिखा स्वयेगु गैर ज्यापु नेवा:तय्सं नं त्व:तेमा: । थ्व नं छगू नेवा: दिवशया रुप हे ख: धका: थुइकेमा: थें खनेदु ।
– लुनिभा:
ज्यापु दिवसय् ल:ल्हा:गु थीथी पदक व उपाधि
ज्यापु सेवा पदक
लक्ष्मीनारायण महर्जन
बुद्धिनारायण महर्जन
जगनारायण महर्जन
रामकृष्ण महर्जन
बेखानारायण महर्जन
इश्वरमानसिं
लक्ष्मीनारायण महर्जन
ज्यापु रत्न – रत्नमान डंगोल
ज्यापु प्रज्ञा – मल्ल के. सुन्दर
ज्यापु प्रतिभा मचा प्रतिभा निकेश डंगोल
फोटो पत्रकार राजभाइ सुवाल
कासा:मि संगीता डंगोल
ज्यापु शिक्षा सेवी पदक विद्यादेवी डंगोल
ज्यापु विशेष सम्मान
पर्यटन तथा नागरिक उड्डयन राज्यमन्त्री दिलीप महर्जन
त्रि.वि.वि.या उपकूलपति डा. हिराबहादुर महर्जन
सगरमाथा आरोही सन्तकुमार महर्जन
दाता अष्टमान महर्जन
समाजसेवी मानसिं महर्जन
शिक्षक मानदास महर्जन
इ. इन्द्रमान सिं सुवाल
हरिकुमार श्रेष्ठ
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
