छाय् मन्त्री जुइगु लोभ ?
न्हय्म्ह मन्त्री व १९ म्ह राज्यमन्त्री याना: २६ म्ह ला पूर्ण मन्त्रीमण्डल दयेकेत हे काफी ल्या: ख:, तर थ्व २६ म्ह मनूत मन्त्रिमण्डल पुनर्गठन जूबलय् स्वात्त हे न्हू दुहां वंपिनि तया: ख: । मन्त्रिमण्डल पुनर्गठनय् आपा: ला माओवादीया हे मनूत ला:गु दु । वैद्य पक्षया मनूतय्त बी धका: तयात:गु मन्त्रीतय् सीट वैद्य पक्षँ मवइगु पक्का जुसेंलि पूर्णता बीत थुकथंया पुर्नगठन यानागु धका: धइगु खँ पिहां व:गु दु । तर मन्त्रीमण्डलया जम्बो ल्या:यात छु नं हुनिं नं सही धका: धाये फइमखु । सवाल थ्वहे ख: कि जनयुद्ध धका: उपाय्च्वं त्याग व तपस्या यानाव:पिं मनूत थुकथं मन्त्री जुइत छाय् लालायित जुल, अले प्रचण्ड व डा. बाबुराम थुज्व:पि नेतातसें नं थ:हे कार्यकर्तातय्त थ:गु पार्टीया नीति विचार व सिद्धान्तकथं मनू ह्ययेकेगु ल्याखं न्ह्या:वंगु खनेदत । थ्व देय्या नितिं तसकं दुर्भाग्यपूर्ण खँ ख: । प्रधानमन्त्री डा. बाबुराम भट्टराइ नं जम्बो मन्त्रिमण्डल दयेकूगु खँय् पूर्व प्रधानमन्त्री माधव कुमार नेपाल जम्बो मन्त्रीमण्डलया हुनिं हे डा. बाबुराम भट्टराइया साख गिरे जूगु धयादीगु दु ।
खतंु माधव नेपाल स्वयम् नं जम्बो मन्त्रिमण्डल दयेकेगुली रेकर्ड कायम या:म्ह मनू ख: । सर्पया तुति सर्पं हे जक खँ धया थें डा. बाबुरामं जम्बो मन्त्रिमण्डल दयेकूगु न्यंबलय् नं वय्क:यात हे च्वास्व थिल जुइमा: । तर वय्कलं धयादीगु खँ धका: नं घायेगु थाय् मदु । सवाल थ्वहे ख: कि नेपालय् जम्बो मन्त्रिमण्डल दयेकेगु सवालय् दक्कय् न्हापालाक्क शेरबहादुर देउवा, २ नम्बरय् माधवकुमार नेपाल लानाच्वंगुली आ: माधव कुमार नेपालयात ल्यूने लाका: डा. बाबुराम भट्टराइ निगूगु नम्बरय् ला व:गु दु । थुगु जम्बो मन्त्रिमण्डलया हुनिं याना: थ्वहे सरकार राष्टि्रय सहमतिया सरकार जुइ धका: गुगु दावी यानादीगु ख:, व झुठ सावित जूगु दु ।
७ गू बुदाया सहमतिया सफलतां थ्व खँ न्ववानादीगु खइ । वय्क:या थ्व दावीया तत्काल विरोध नं मजू । छुं दिन लिपा धा:सा थथे जुइमा:गु धका: न्ववा:गु न पिहां वल, थुकिं याना: डा. बाबुराम भट्टराइया सरकारयात आपा: च्वन धा:सा संविधान दयेकेगु इ तक च्वनीगु वयांल्यू कांग्रेस नेतृत्वया हे सरकार गठन जुया: चुनाव जुइगु संभावना अप्वयाव:गु दु । अथेहे जुया: हे थ: मनूतय्त डा. बाबुरामं मन्त्री नकूगु खयेमा: ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
