कांग्रेसया जनजाति सभासदपाखें विद्रोहया ख्याच्वः

येँ(सन्ध्या टाइम्स)/नेपाली कांग्रेसया जनजाति सभासद्तय्सं जातीय पहिचानया आधारय् राज्य पुनर्संरचना यायेगु पक्षय् पार्टी मवन धाःसा विद्रोह यायेगु जुइ धकाः ख्याच्वः बिउगु दु। कांग्रेसं राज्य पुनर्संरचनाया विषयय् सहलह यायेत म्हिगः नगरकोटय् याःगु सभासद्तय् भेलाय् न्ववासें सभासद्पिं जिपछिरिङ लामा, रमेश रिजाल लगायतया जनजाति सभासद्तय्सं थ्व ख्याःच्वः बिउगु खः। बैठकय् छुं सभासद्तय्सं प्रदेशया ल्याः ६ निसें ८ तक जक तयेमाः धइगु बिचाः नं तःगु खः। राज्य पुनर्संरचना बारे कांग्रेसं पुस ३ गते च्वनीगु बैठक लिपा निर्णय याइ धाःगु दु।