मतिना जकं जूगु खः ला !!
अनिक शाक्य
व जिगु मिखाय् वइ
व जिगु न्ह्यलय् वइ
व जिगु लुमन्तिइ वइ
अलय् वइ जिगु कविताय् तकं
अय्न जि ग्याः वइगु न्ह्यःनय् वनेत
थ्व छु जूगु जिं मस्यू
अलय् वइके जिं नेने नं मफु
सायद थ्व जितः
मतिना जकं जूगु खः ला !!
जि त्वहले जुयाच्वनी
मनय् खँ दासि वय्काच्वनी
लुसि वांन्यानाच्वनी
म्ह छखे नुगः छखे लाकाच्वनी
न्ह्यलय् ला ज्वलय् ला जुइकाच्वनी
थ्व छु जूगु जिं मस्यू
अलय् वइके जिं नेने नं मफु
सायद थ्व जितः
मतिना जकं जूगु खः ला !!
नय्गु इलय् जितः नय् मयः
देनेगु इलय् न्ह्यः मवः
फुकं ताः अय्नं छु नं मताः
फुकं खं अय्नं छु नं मखं
फुकं दु अय्नं छु नं दुगु आभास मजू
थ्व छु जूगु जिं मस्यू
अलय् वइके जिं नेने नं मफु
सायद थ्व जितः
मतिना जकं जूगु खः ला !!
ख्वालय् न्हिलासू मदु
नुगलय् जिगु चितासू मदु
जःखः छु नं सरासू मदु
तर शुन्यताय् नं थःवं थःत लुइके मफु
मानौं जिके जि हे मदु
थ्व छु जूगु जिं मस्यू
अलय् वइके जिं नेने नं मफु
सायद थ्व जितः
मतिना जकं जूगु खः ला !!
Related Stories
बुनाः मतिना जि थः हे ज्वी फुMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
