ख्वप भाय्या वाःपौ

ख्वप(सन्ध्या टाइम्स)/ख्वपय् नेपालभाषा लागाय् सक्रिय पत्रकारत जानाः ख्वपं हे न्हापांखुसी ख्वपया नेपालभाषां वाःपौ पिदंगु दु। 'ख्वप टाइम्स' वाःपौ कथं सनिवाः पतिकं पिथनेगु कथं म्हिगः यःमरि पुन्हि कुन्हुनिसें पिथंगु उगु वाःपौया प्रधानसम्पादक कृष्ण प्रजापति खः। ओम धौभारी सल्लाहकार जुयादीगु उगु वाःपौया सम्पादक व प्रकाशक हरिकृष्ण दुवाल खः। जिल्ला प्रशासक ज्याकू ख्वपय् दर्ता यानाः पिथंगु थुगु वाःपौ हे ख्वपय् दर्ता यानाः पिहां वःगु न्हापांगु नेपालभाषाया वाःपौ खः।