धर्मोदय सभाय् चुनावया तयारी
येँ(सन्ध्या टाइम्स)/सकल बौद्तय् राष्ट्रिय संस्था धर्मोदय सभाया दिनाच्वंगु महाधिवेशनया लागिं थनिंनिसें उम्मदेवारी दर्ताया ज्या सुरु जूगु दु। चुनाव थ्वहे वइगु पुस २ गते जुइसा उकिया लागिं उम्मेदवारी दर्ता यायेगु ज्या कन्हय् तक जुइ।
धर्मोदय सभाया महासचिव व दांभरि पदय् उकुन्हु छसिकथं भिक्षु कोण्डन्य व भिक्षु धर्ममूर्तिं नं उम्मेदवारी दर्ता यानाबिज्यायेवं विवाद जूगु खःसा थुपालय् धाःसा वसपोलपिंसं उम्मेदवारी दर्ता मयायेफुगु खँ सीदुगु दु।
थ्व बारे भिक्षु कोण्डन्ययात स्वापू तयाबलय् वसपोलं धार्मिक संस्थाय् विवाद जुइगु खःसा थःपिंसं उम्मेदवारी मबीगु बिचाः यानागु दु तर गुगु पदय् न्हापा थःपिंसं उम्मेदवारी बियागु खः व निगुलिं पदय् धाःसा न्हूपिं मनू हयेमाः धयाबिज्यात।
