जनजाति वसःया फेसन शो

येँ(सन्ध्या टाइम्स)/ ब्लू रेन फेसन जोनया ग्वसालय् थ्वहे वइगु पुस ३ गते आइतवाः नेपाःया थीथी जनजातितय् भेषभूषा ब्वये कथं 'ट्रेडिशनल फेसन शो' जुइत्यंगु दु। राष्ट्रिय नाचघरय् जुइगु उगु ज्याझ्वलय् थीथी सांस्कृतिक ब्वज्या नं जुइ।
खुगू सिक्वेन्स न्ह्यब्वइगु उगु फेसन शोलय् छसिकथं साडी, गाउन, कुर्ता, कम्पनी ड्रेस व ठमेल ड्रेसय् मोडलतय्त र्‍याम्पय् न्यासिके हइ। लाक्पा वाङ्मो तामाङ व निशा जोशीं संयोजन यानादीगु थुगु फेसन शोया मू उद्देश्य नेपालय् न्हना वनेत्यंगु थीथी पहिरनया संरक्षण व प्रदर्शन यायेगु खः। ज्या झ्वःया कोरियोग्राफी प्रणयलाल सिंहं यायेत्यंगु दुसा ग्वसाः सनोजराज वैद्य व अनुश्का बलामीं यानादीत्यंगु दु। ज्याझ्वलय् न्ह्यब्वइगु नेवाःतय् ख्वापाः प्याखं थुकिया मेगु छगू आकर्षण जुइगु खँ ग्वसाः खलकं धाःगु दु।

More Stories Like this