ज्यापु दिवसया तयारी

येँ(सन्ध्या टाइम्स)/दँय्दसं थें थुगुसी नं ज्यापु दिवस तःजिक न्यायेकीगु जूगु दु। ज्यापु संस्कृति विकास कोषपाखें थ्वहे वइगु यःमरि पुन्हि कुन्हु थीथी ज्याझ्वः यासें ज्यापु दिवस हनेगु तयारी सुरु याःगु दु। थुगुसी ज्यापु दिवस हनेगु पाः क्वाःबहाः लःघः त्वाःयात बिया तःगु दु। उकिं मू ज्याझ्वः थुगुसी अनं हे जुइ। ज्यापु दिवस कुन्हु थीथी सिरपाः नं बीगु ज्या जुइ।