थन शहरय् ला

भावना पुं

नयन तारा छं धाल
हुलिहुलि वःगुसां पुना जुया
अथेसां थन शहरय् ला
नांगां हे च्वनेमाः

नयन तारा छं धाल
धिबछगः धेबाहे मदया
क्यबःया आलुसां मना:नया
अथेसां थन शहरय् ला
मल्ता छगःतकं न्याना नयेमा

नयन तारा छं धाल
स्याउला च्याकाःसां थुया नया
अथेसां थन शहरय् ला
मचिकं मदया द्यां हे लाः

नयन तारा छं धाल
सुकूभ्यातःसां कया नया
अथेसां थन शहरय् ला
सुकूभ्यातः गन काःवने

नयन तारा छं धाल
प्वाःस्याना जःलाखःलां स्वःवल
अथेसां थन शहरय् ला
जःलाखःलासां नतसुतहे मदु

नयन तारा छं धाल
छेंज: मदुखुन्हु सकलें ग्वहालि वल
अथेसां थन शहरय् ला
खिचा सीथें सुनानं मसी धुंकल ।

More Stories Like this