फैबथां [चिनाखँ]
गणेशराम लाछि
कंसू थाःगु न्हाय्पंत
स्वैगुं ख्वःसः गनं ताइ
त्वरकांगु मिखात
स्वैगुं दुःख गनं खनी
न्ह्यपु हे मदुगु छ्यंत
मेपिनिगु चिन्ता छाय् काइ
नुगः हे मदुगु छातित
मेपिनि समस्या छु थुइ
नाय्चुपि थें ज्वःगु म्हुतु
कुति कुति सनीगु माकः ल्हाः
अय्सां न छुं धायेफु न छुं यायेफु
फैबथां थें बथां धाःसा खाः
लातां केरा स्वःथें स्व नं स्वः
अय्सां न गनं वनेफु न छुं हयेफु
वं वैगु वं वैगु ख्वाःया हाकः
स्वस्वं इतिईतिं न्हिलाच्वन
अय्सां न न्हाय्कंतक हे स्वयेफु
जुजु पजनि यायेगु खँ ल्हाइ
लंका हाचां गायेगु बिचाः याइ
धःचा नापं हाचां गाये मफु
उकिं आः ला थ्व बथांयात
मोहनीया दुगुचा थें
मू हायेके माल
वा झी फुक्क मुनाः दना वा
मज्वःगु ग्वाचुपि ज्वनाः
मू हालकि छ्याछ्या मछ्या यायेत
ने.सं. ११३२ थिंलाथ्वः तृतिया
सियाटल, सं.रा. अमेरिका
Related Stories
न्ह्यलंMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
