बुशयात ज्वनेत एमनेष्टीया अपील
अन्तर्राष्ट्रिय मानवअधिकारवादी संस्था एमनेष्टी इन्टरनेशनलं अमेरिकाया पुलाम्ह राष्ट्रपति जर्ज डब्लु बुशं अन्तर्राष्ट्रिय यातना उन्मूलन कानुनया उल्लंघन याःगु धासें वय्कःयात ज्वनेत अपील याःगु दु।
एचआभी एड्स व क्यान्सर विरुद्ध ल्वय्या सम्बन्धी जनचेतना ब्वलंकेत अफ्रिका थीथी देय्या भ्रमणय् वनेत्यंगु इलय् एमनेष्टीं बुशयात ज्वनेत अफ्रिकी राष्ट्रतय्त अपील याःगु खः । पुलाम्ह राष्ट्रपति बुश वइगु हप्ताय् अफ्रिकाया तान्जानिया, इथियोपिया व जाम्विया वनेगु तयारी यानाच्वनादीगु इलय् बुशयात अन हे ज्वनेत एम्नेष्टीं इनाप याःगु खः ।
सन् २००२ निसें २००९ तक क्युवाया ग्वान्तानामो बन्दी गृहलय् इराक व अफगानिस्तानया आपालं बन्दीतय्त अमानवीय व्यवहार याःगु व उकीया मू दोषी बुश व वय्कःया प्रशासन जूगु द्वपं एम्नेष्टीं बिउगु दु ।
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
