कन्हसंनिसें बखुमद जात्रा

येँ(सन्ध्या टाइम्स)/येँया दक्षिण पश्चिम लागाय् च्वंगु नेवाःतय्गु थीथी वस्तीइ कन्हय् बखुमद अष्टमीनिसें जात्रा न्ह्याइगु जूगु दु। किपू, नगां, पांगा, तापाख्यः, ल्ह्वंखा, सतुंगः मच्छेगां लागाय् थ्व जात्रा जुइगु खः। थ्व जात्रायात न्हय्गां जात्रा नं धायेगु याः। बःखुया बिष्णुदेवी द्यःयात केन्द्रविन्दु नालाः न्यायेकीगु बखुमद जात्राय् कन्हय् अष्टमी कुन्हु किपू नगरया नगामय् जात्रा जुइ। अथे हे कंस नवःमि कुन्हु पांगाय् अले मेमेगु नेवाः बस्तीइ दशमी कुन्हु जात्रा जुइ। जात्राया झ्वलय् किपुली लाखेपाः च्वनीगु, साय्मितय्सं दलू द्यः जात्रा याइगु चलन दु। छ्वय्लाभू माने याःगुयां कन्हय् कुन्हु मूयाः अले मूयाःया कन्हय् कुन्हु जात्रा जुइ। जात्राय् तःखा नयेगु याइ। लालुपाते स्वां ह्वयेवं जात्रा वःगु सकेत बी धइगु विश्वास दु।