फुटपाथ पसःत नं बन्द याकेमाः

सम्पादकजु

इलय् ब्यलय् झीथाय् गबलें नेपाः बन्द गबलें स्वनिगः बन्द जुयाच्वनी । अथे जुइबलय् अप्वः धइथें बाः पुलेमाःिपं पसल्यातय्गु पसः बन्द जुइ तर फुटपाथय् पसः तयाच्वनीिपं बँपसः धाःसा गबलें बन्द जुइ मखु । अथे छाय् बन्द धासेंलि फुकसितं बन्द याकाः पसः तीके म्वाःला उमित जक छुकिया छुट आः नं जेष्ठ १८ गते नेवाः स्वायत्त राज्य बन्द यायेगु धकाः प्रचार प्रसा् जुयाः पर्चा तकं इनाबीधुंकूगु दु । गुगु पर्चाय् थःथःगु उद्योग पसः ज्यासः ज्याकुथि ब्वनेकुथि तिनाः नापं सवारी साधन नं बन्द यायेगु धकाः धयातःगु दु । न्यनेदु कथं साइकल तकं चले मयाकेगु धइगु खँ नं वयाच्वंगु दु । तसकं बांलाः । उगु न्हि कुन्हु सकल नेवाःतय्सं ब्वति कयाः ऐक्यबद्धता क्यं वये हे माः । थुकुन्हु सकल नेवाःतय्सं नं गल्ली गल्लीइ लाःगु पसः तकं तिनाः नेवाः स्वायत्त राज्यया िनंितं एकता क्यं वयेमाःगु आवश्यकता खनेदु । बरु न्हापा न्हापा बन्द जुइबलय् थें फुटपाथ पसःतय्त छुट बी मबिल । उमित नापं बन्द याके माल । यदि सोझा मनं धयां नं माने मजुल धाःसा छु छु यायेमाल झीसं याना बी फयेकेमाः । बन्दया झ्वलय् थज्याःिपंसं यक्व हे फाइदा कया वयाच्वंगु दु । बन्दया आह्वान याईपंसं नेवाःतय्सं जक मखु मेमेिपंसं नं याइबलय् फुटपाथ पसःयात नं बन्द याकेमाः । यदि अथे याके फुसा जक पसः तिकाः बन्द यायेगु बांलाइ । नत्रसा मयाःसां जिउ । छाय्धाःसां बन्द धासेंलि दक्व पसः तिकाः बाः पुले म्वाःपिनिगु पसः जक चायेका तयेगु उलि पाय्छिगु खँ नं मखु ल्व नं मल्वः । बन्द धासेंलि फुकसितं समानता कथं बन्द याकेमाः । गुम्हेसितं काखा गुम्हेसितं पाखा याके मजिल । भलसा दु आः वइगु बन्दया आह्वानं थज्याःिपं बँपसःतय्त नं बन्द याकी ।

हाकु नुगः किलाघः येँ

More Stories Like this