उपसमितिपाखें कन्हय् तकया निर्देशन
येँ (सन्ध्या टाइम्स)/संविधान निर्माणया ज्याय् जुयाच्वंगु विवाद ज्यंकेगु नितिं दयेकूगु उपसमितिया थौं सुथय् च्वंगु बैठकं खुलाया दुने संविधान निर्माणया निंतिं कार्यतालिका दयेकाः पेस यायेत सचिवालययात निर्देशन बिउगु दु। थौं सुथय् च्वंगु उपसमितिया बैठकं कन्हय् तकया दुने उगु खाका तयार यायेत निर्देशन खँ उपसमितिया संयोजक नापं माओवादीया अध्यक्ष प्रचण्डं कनादीगु दु। थौंया बैठक लिपा कन्हय् सुथय् हाकनं उपसमितिया च्वनीगु जूगु दु। ताः ई न्ह्यवंनिसें हे उपसमितिया बैठक च्वने मफयाच्वंगु खः। संविधान निर्माणया ज्याय् आः राज्य पुनर्संरचना, शासकीय स्वरुप व निर्वाचन प्रणाली सम्बन्धी विवाद जक क्वःछी ल्यं दनि ।
