मोटरसाइकल गया वःपिं निम्ह सित

ख्वप (सन्ध्या टाइम्स)/अरनिको राजमार्ग अन्तर्गत जगाति व सूर्य विनायक दुवातय् लाःगु आदर्श चोकय् थौं वंगु चान्हय् भ्यानं ठक्कर नकाः मोटरसाइकलय् च्वना वःपिं निम्ह मनू सीगु दु। येँनं सिन्धुपाल्चोकया तातोपानी वनाच्वंगु भ्यानं चान्हय् लँय् वयाच्वंगु मोटरसाइकलयात ठक्कर नकाः उगु दुर्घटना जूगु खः। उकी लाकाः सिन्धुपाल्चोकया मान्खाय् च्वंम्ह २१ दँ दुम्ह माइला लामा व हगाम गाविसया १९ दँ दुम्ह उद्धव श्रेष्ठ सीगु खः। बा. २ ख ५०६० नम्बरया भ्यानं बा. २४ प ४४३६ नम्बरया मोटरसाइकलयात ठक्कर नकूगु खः। मोटरसाइकलयात ठक्कर नकूगु भ्यान व चालक हरिप्रसाद खनालयात प्रहरीं ज्वनेधुंकूगु दु ।