थौं २४ क्वःगु विश्व एड्स दिवस

येँ (सन्ध्या टाइम्स)/थौं डिसेम्बर १ तारिख अर्थात २४ क्वःगु विश्व एड्स दिवस नेपालय् नं थीथी ज्याझ्वः यानाः हनाच्वंगु दु। थौं सुथय् स्वास्थ्य नाप स्वापू दुगु संघ संस्था नापं स्कूलया विद्यार्थीतय् सहभागिताय् शान्ति बाटिकां छगू र्‍याली पिकाल। थ्व लसताय् स्वास्थ्य मन्त्रालयं एड्स ल्वय् रोकथाम नापं जनचेतनामुलक ज्याझ्वः नं याःगु दु। थुगुसी एड्स दिवसया नितिं 'एचआइभीया न्हूगु संक्रमण, भेदभाव तथा एड्सया कारणं सीपिं मनूतय्गु ल्याः शून्यय् थ्यंके नु' धइगु नारा बिउगु दु ।