'क्रान्तिया ध्वाँय् गबलें क्वछुके बिइमखु’
येँ (झीगु स्वनिगः)
एकीकृत नेकपा -माओवादी)या बरिष्ठ न्वकु मोहन बैद्य किरणं क्रान्तिया ध्वाँय् गबलें नं क्वछुके बिइमखु धकाः धयादीगु दु । युवा कवि शोभा दुलालया चिनाखँ मुना 'ज्वालामुखी फुटेपछि' नांगु सफू विमोचन यानादिसें वय्कलं अथे धयादीगु खः । नेता बैद्य एकताया नितिं रुपान्तरण माः धयादिसें रुपान्तरणया प्रक्रियापाखें एकताया नितिं कुतः यायेगु तर न्ह्यब्वाके मफत धाःसां क्रान्तिया ध्वाँय् धाःसा गबलें नं क्वछुके बिइमखु धकाः धयादिल ।
वय्कलं देश व नागरिकया नितिं क्रान्ति व रुपान्तरणया नितिं संघर्ष यायेगु जुइ धकाः नं स्पष्ट यानादिल । नेता बैद्यं पार्टी, देय् व नागरिक मध्ये ल्यये माल धाःसा थःम्हं देय् व जनताया पक्षय् दनेगु जुइ धयादिल ।
