पेस्तोल क्यनाः लखौं लुटपाट
येँ (सन्ध्या टाइम्स)/कञ्चनपुरया सुडा गाविस वडा नं. २ लालपुरया छम्ह व्यवसायीया छेँय् लाखौं तकाया धनमाल लुटपाट याःगु दु। गोदावरी एग्रो इण्डष्ट्रिया संचालक वासुदेव बोगटीया छेँय् वंगु चान्हय् लुटे याःगु खः। लुटेरातय्सं ३ लाख तका दां, च्यातोला लुँ, प्यंगः मोबाइल व छगः डिजिटल क्यामरा लुटे याना यंकूगु खः। पां पालाः ताःफ्वः तछ्यानाः लुटे याःगु खः। लुटेरातय्सं निपु पेस्तोल, पा नापं रड तकं ज्वना वःगुलिं छेँथुवाःत ग्यानाः इलय् हे प्रहरीयात खबर मयाःगु खः ।
अथे हे म्हिगः अख्तियार दुरुपयोग अनुसन्धान आयोगं येँ महानगरपालिकाय् छापा मारे याःगु दु। टेन्डर प्रक्रिया हे मयासे लाखौं तकाया ज्या याःगुलिं अख्तियारं छापा मारे याःगु खः ।
