२१ बोरा गजि ज्वन
येँ (सन्ध्या टाइम्स)/प्रहरीं पूर्व पश्चिम राजमार्गया हरिवनय् थौं सुथय् २१ बोरा गजि बरामद याःगु दु। येँनं कांकडभिट्टापाखे वनाच्वंगु ना. २ ख ९५२८ नम्बरया ट्रकय् उगु गजि ज्वंगु खः। ईलाका प्रहरी कार्यालय हरिवनं धाः कथं रेडिमेड कापतं भुनातःगु उगु गजि ट्रकया दथुइ तयाहःगु खः। गोप्य सूचनाया लिधंसाय् ट्रकया पीछा यानाः गजि ज्वंगु खःसां ज्वनेवं चालक धाःसा बिसिउँ वंगु खः ।
