देय् विकास यायेत देशभक्त न्ह्यःने वयेमाः

दि.आर.खड्गे

छगू प्रख्यात उखान दु 'कागलाई बेल पाक्यो हर्ष न बिस्मात ।' थ्व उखान नेपाःया जनतायात मिले जुयाच्वंगु मदु । छाय्धाःसां जनताया लािगं न्ह्याम्ह पार्टीया नेता सरकारय् वंसां फरक मजू । थ्व ला सत्य खः । तर गुलि नं सरकार परिवर्तन जुयाच्वनी उलि हे जनता- यात दुःख कष्ट जुजंु वनाच्वंगु दइ । दुःख कष्ट व पीडा थ्व अर्थय् जुइगु खः सरकार परिवर्तन जुइ मन्त्रीया ल्याः अप्वइ थीथी ज्याकुथी राजनैतिक नियु- क्तिया नामं हाकिमत बढे जुयाच्वनी । थुलि जक मखु विदेशय् तकं राजदूत व कर्मचारी बढे यानाच्वनी । थथे हे मन्त्री हाकिम व कर्मचारीत बढे जुइ । थ्व फुकसित तलब भत्ता सुख सुविधाया लािगं ध्यबा असुली धाःसां जनतायाके करया भार बढे याना बी । अझ जनता- यात गरिब यायेगु हिसाबं बजाःभाः यक्व थकयाः जनता- यात हे टेन्सन बियाच्वनी ।

िजं च्वसु मार्फत धायेगु यानाच्वनागु दु मिभंिपं नेताया ल्हातय् सत्ता लात कि व नेतातय्सं जनतायात दुःख कष्ट बियाः शोषण यानाच्वनी । झीगु देशय् नं यक्व न्ह्यवंनिसें मिभंिपं नेतातय्गु ल्हातय् सत्ता लानाच्वंगुिलं दे गरिबी व कष्टया जीवन म्वायेत बाध्य जुयाच्वंगु खः । झीसं थ्व नं मसिउगु मखु विश्व बजारय् वःगु मन्दीं यानाः बजाःभाः धमाधम कुहां वयाच्वंगु दु । जनताया व्रुयशक्ति कमजोर जुया वनी धकाः सरकारं बजाःभाः नियन्त्रण यानाच्वनी । झीगु देशया नेतात खनाः विश्वया जनता हे अजू चायाच्वनी । थन विश्वय् मजिउगु ज्या जुयाच्वनी । विश्वय् वइगु हिउपाःया लिच्वः फुक्क देशय् लानाच्वनी । तर नेपालय् धाःसा अःखः जुयाच्वंगु दु । विश्व बजाःभाः थहां वन धाःसा थनया ब्यापारीतय्सं चांचां बजाःभाः थकया बी । यदि विश्वया बजारय् भाः कुहां वल धाःसा नेता व ब्यापारीया म्हुतुइ धौ फिनातः थें सुम्क च्वनाच्वनी । थ्वया अर्थ खः जनतायात राहत जुइगु संकेत वल कि नेता व हाकुबन्जाः मिले जुयाः जनतायात झंगः लानाच्वनेगु याइ । नेतात झंगः स्वार्थी लोभी जुल धाःसा विदेशी मूलया ब्यापारीत अनैतिक ज्या याईपं खः ।

पिनें वयाः थन राजनीति व ब्यापार यानाच्वंिपं ब्यक्तित बेइमान व नैतिकहीन जुइगु स्वाभाविक खः । पिनें वईपं नेतात व ब्यापारीया केवल छगू हे जक उद्देश्य जुइ न्ह्याथे यानाः नं ध्यबा कमे यायेगु । अथे जूगुिलं उमिके दया माया सेवाया भावना दइ मखु । यदि झी नं मेगु थासय् वनाः ज्या याः वन धाःसा झीगु उद्देश्य नं ध्यबायात महत्व बीगु हे जू वनी ।

स्वनिगलय् नेपाःया महत्वपूर्ण कार्यालयत यक्व दु । थन अति हे भ्रष्टाचार जुयाच्वंगुिलं विश्वया जनतां भ्रष्टाचारी देय् खः धकाः धयाच्वंगु दु । भ्रष्टाचार अप्वयाः देय् स्यनाच्वन धकाः नेतातय्सं धायेगु नं यानाच्वनी । तर वहे नेतातय्सं भ्रष्टाचारया मू कारणयात बिचाः मयासे भ्रष्टाचार नियन्त्रणया कुतः नं यानाच्वंगु मदु । थ्व विषयय् विशेष यानाः स्वनिगःवासीं बिचाः यायेमाःगु आवश्यकता दु । झीगु जःलाखःला देय् भारतया प्रशासनिक ढाँचा जक स्वत धाःसां नं प्रस्ट जुइ । भारतय् छगू प्रान्तया नागरिकं मेगु प्रान्तय् जागिर नयेत तसकं थाकु नकेगु नं याइ मखु । बिउसां प्राविधिक ख्यलय् जक अप्वः ज्या बीगु याइ । चीनय् नं अथे हे खः । छगू साधारण एकाउन्टेण्ट पद तकं थःगु प्रान्त बाहेक मेगु प्रान्तया नागरिकयात बीगु याइ मखु । थज्याःगु ब्यावहारिक नियम दयेकाः ज्या यानाच्वंगुिलं भ्रष्टाचार अति हे कम जक जुयाच्वंगु खः । झीगु देशय् भ्रष्टाचारयात प्रोत्साहन बियाच्वंिपं हे नेतात खः । छाय्धाःसां सारा अफिसय् नेताया थःथिति व कार्यकर्ता भर्ती यानाः भ्रष्टाचार याकेगु अवसर बियाच्वंगु खः ।

पार्टीया नेतृत्व देशभक्ति त्यागी इमान्दार व विवेकी जूसा जक देय्यात ठिक लँय् न्ह्याकाः विकास यानायंकी । तर झीथाय्यािपं अप्वः नेतात सामन्ती सोचं ग्रष्ट जुयाच्वंगु दु । थज्याःगु मानसिकता ज्वनाः नेतातय्सं राजनीति यानाच्वंगुिलं हे जनताया न्ह्यःने छता धाइ ज्या उकिया अःखः याइ । थज्याःगु ज्या जक यानाः उमिसं जनतायात दुःख बियाच्वनी । थौंकन्हय्या राजनीतिक खेल न्हापा सिबें नं ग्यानापु धायेमाः । छाय्धाःसां विदेशी मूलया नेतात न्ह्यःने वयाः देय्या मूलबासीयात शोषण व भेदभाव यानाच्वंगु दु । थज्याःगु राजनीतिक कासा अमेरिका अष्टे्रलिया क्यानाडाय् नं जुयाच्वंगु दु । थ्व देशय् यूरोपया नागरिकत वयाः मुलबासी रेड इण्डियनतय्त शासन यानाच्वन । भारतया नागरिकतय्सं नं युरोपियन- तय्गु राजनीतिक नक्कल यानाः फिजी मौरिशस सुरिनाम आदि थेंज्याःगु देशय् थःगु ल्हातय् राजनीति कयाः सत्ता न्ह्याकाच्वंगु दु । भारतीय मूलवासीं एशियाया मेमेगु देशय् नं थःपिनि राजनैतिक प्रभाव अप्वयेका यंकाच्वंगु दु । यदि इलय् हे झीसं विदेशी मूलया फोहोरी राजनीतियात पने मफुत धाःसा नेपाःया राष्ट्रवादी शक्तियात धमाधम ुमाइनसु यायां यंकी ।

राजनैतिक रुपं चतुर पण्डित व विदेशी मूलयािपं मधेशीतय्गु फोहोरी राजनीतियात पनेगु छगू ब्यवस्था स्वायत्त शासन नं खः । स्वायत्त शासनया अधिकार धइगु देय्या मूलबासी नेवाः राई थारु शेर्पा मगर इत्यादि जातितय्सं थःगु थासय् थम्हं हे शासन यायेगु अधिकार सुरक्षित जुइगु खः । तर छता थ्व खँयात नं बिचाः यायेमाः कि खसब्रम्हू व मधेशवादी पार्टीया इशाराय् प्याखं हुलीिपं नेतातय्गु ल्हातय् स्वायत्त शासनया अधिकार लात धाःसा हानं देय् झन हे स्यना वनेफु । अथे जूगुिलं देय् विकासया लािगं सच्चा देशभक्त विवेकी योग्य व दुरदर्शी नेपाःवासीया ल्हातय् शासन यायेगु अधिकार लात धाःसा जक देय्या विकास अवश्य जुइ । छता थ्व खँ नं थुइके माःगु दु व खः आः नं झीिपं मिखा तिसिनाः पिनें वयाच्वंिपंत स्वनिगलय् प्याखं हुइकाः तमाशे जुयाः स्वयाच्वन धाःसा केवल स्वनिगः जक मखु मुक्कं नेपाःया अस्तित्व हे खतराय् लायेफु ।

More Stories Like this