न्हूदँया लसताय् न्वचु व किपा कासा
येँ (सन्ध्या टाइम्स)/नेपाल संवत् ११३२ न्हूदँ व बाल अधिकार महासन्धि पारित जूगु २१ दँय् क्यंगु लसताय् कन्सर्न नेपालं दँय्दसं थें थुगुसी नं मचा किपा च्वज्या व मचा न्वचु कासा याइगु जूगु दु। थ्वहे वइगु थिंलागा ७ (डिसेम्बर १७) शनिवाः कुन्हु उगु ज्याझ्वः यायेत्यंगु खः। ग्वसाः खलकं न्वचु कासा व किपा कासा निगुलिंया लागिं 'यचुपिचु याये नु, मचा अधिकार काय नु' धइगु शीर्षक बिउगु दु। कन्सर्नं वंगु २० दँ न्ह्यवंनिसें थ्व ज्याझ्वः याना वयाच्वंगु दु ।
